أوقات أحس كأني على مفرق طريق
احتار و يصبح قلبي في الأفكار غريق
و لما أشور الجيران
أشاور الخلان
رأي الصواب يظهر جريء له بريق
و أحس رأي حبايبي بينور عينيا
سموا الشعور ده حب ولا ديموقراطيه
ماليش كتير في السياسة
بيني و بين أيامي حرب ما تنتهيش
و زي كل الناس باموت علشان أعيش
أتمنى أروح عندهم
جهدي على جهدهم
يصبح وجودنا قوة بعد ما كان مفيش
و أنا إيش أكون وحدي لولاش بلدي عليا
سموا الشعور ده حب و لا تعاونيه
ماليش كتير في السياسة
أنا قلبي مليان حماسة
لكل شيء حر صادق
ماليش كتير في السياسة
لكن بحب المبادىء
و باحب صاحب المبادىء
صلاح جاهين
4 comments:
أنا كنت ناوية أكتب عن الاغنية دى يا "واحدة مصرية" لأنى حاسة انها بتتكلم عنى جدا.. خصوصا
"ماليش كتير في السياسة
أنا قلبي مليان حماسة
لكل شيء حر صادق
ماليش كتير في السياسة
لكن بحب المبادىء
و باحب صاحب المبادىء"
لكن سبقتينى :)
أنا كنت ناوية أكتب عن الاغنية دى يا "واحدة مصرية" لأنى حاسة انها بتتكلم عنى جدا.. خصوصا
"ماليش كتير في السياسة
أنا قلبي مليان حماسة
لكل شيء حر صادق
ماليش كتير في السياسة
لكن بحب المبادىء
و باحب صاحب المبادىء"
لكن سبقتينى :)
سبقتك و كتبتها بس يمكن تكوني فكرتي فيها قبل مني او فكرنا فيها في نفس الوقت تبقى في بيتها يا لست أدري
عندي و عندك واحد :)
indtil breakdownet indtræder og vi falder tilbage til det klassiske lead i originalen-tracket
Post a Comment