Wednesday, April 27, 2005

إعتقالات و إرهاب في مظاهرات كفاية


كان يوما صعبا اليوم و إن كنت أعتبره البداية الحقيقة للكفاح
من أجل المطالبة بحقوقنا حقنا في الحرية حقنا في الإختيار
اليوم بدأت المعركة الحقيقية فقد بدأت الدولة البوليسية أن تكشر عن أنيابها
و تمارس متعتها و شغلتها في الإرهاب و بدأ مسلسل السلطة القذر و أتوقع أن تزداد أحداثة قذارة كلما إقتربت ساعة الحسم
ذهبت اليوم مظاهرة كفاية في الإسكندرية و كان مكانها في المنشية بمحكمة الحقانية إستقليت تاكسي ووصلت في الثانية عشرة و النصف لكن التاكسي لم يستطع حتى أن يصل للمحكمة فنزلت على بعد أمتار منها
و هذة المرة رايت ما لم أتوقعة كان المنظر مرعبا حقا هذة المرةكانت اعداد العسكر مهوله و على الصفين
بأيديهم حبال برتقالية اللون لم أعرف لما هذة الأحبال حتى رأيتهم
فجأة يمسكونها بينهم أي كان كل إثنين ممسكين بطرفي حبل و بهذة الطريقة
المبتكرة أغلقوا الممرات و الشارع فجريت حتى أعبر قبل أن يكملوا غلق
الطريق بتلك الحبال و وصلت فعلا أمام المحكمة لأجد العشرات و العشرات
من رجال الشرطة بالملابس العسكرية فدخلت مسرعة من باب المحكمة لاجد بالداخل
العشرات و العشرات أيضا من رجال أمن الدولة هذة المرة بملابس مدنية والنظارات السوداء
و المسدسات الثقيلة يحملونها فوق مؤخراتهم
وجوه منهم كنت قد رأيتها في مظاهرة كفاية الماضية و اخرون لم أرهم من قبل
كانوا يتجولون و يتجولون بالبهو ثم بدأت أرى من اتى للمشاركة في المظاهرة
إقتربت من بعضهم و بدأنا نتحدث فإذا برجال أمن الدولة يمرون بجانبنا
و أذنهم مترطقة تريد أن تسمع ما نقول ,تجمع حوالي عشرين للمظاهرة و لكننا كنا ننتظر
أن ياتي من سوف يعطونا الملصقات الخاصة بكفاية و ظللنا ننتظر و ننتظر و بدأ الجميع يتسألون
أين هم؟ لقد إختفوا و لم يأتوا ماذا سنفعل إذن ؟ و بدأ رجال أمن الدولة يحصاروننا أكثر فأكثر
جلست قليلا لأرتاح و فتحت حقيبتي أخرج شيئا فإذا بعشرة رجال من ذوي الملابس المدنية
من حولي ينظرون معي في حقيبتي و كدت أصاب بالغثيان من غباءهم ,بدات أقلق انا أيضا فالوقت يمر
و لم نخرج بعد ,قلت لنفسي و لم لا أكتب كفاية على ورقة و الكل يفعل ذلك ثم نخرج للمظاهرة
و بما ان الجو كان ملبدا بأمن الدوله ذهبت إلى حمام قذر بالمحكمة و بدأت أخرج الورق و أكتب عليه بسرعة
,كتبت كثيرا ثم خرجت لأرى أنه لا احد إلا بتوع امن الدوله في البهو فتعجبت
و صعدت للطابق الأول بالمحكمة حيث هناك مقهى و قلت ربما ينتظرالأخرون به
و عندما هممت الصعود وجدت رجل من الرجال ذوي النظارات السوداء يصعد خلفي فوقفت على السلمة فوقف ,
فلاعبته قليلا و كنت أصعد فالتفت ورائي لاراه يقف ثم ينظر في إتجاه أخرو يبدو هذا تمويه على غرار
المخبر أبو الجرنال المخروم في الأفلام القديمة ,دخلت المقهى و لم أجد أحدا فنزلت لأجد صاحب النظارة السوداء
امامي فكان لابدأن أسأله فتلك مظاهرة سلمية شرعية يكفلها لي الدستور والمفروض ألا يرهبنا أحد ا!!!!
و في براءة سألته: لو سمحت متعرفش الناس بتوع مظاهرة كفاية إنهارده راحوا فين؟"
فرد علي متهجما متعجبا "إيه؟" فكررت سؤالي عليه "بتوع كفاية راحوا فين؟" فرد بصوت خشن "لا معرفش والله"
فأبتسمت في وجهه و قلت له شكرا
نزلت في البهو فإقترب مني شخص و قال لي أنتي جيه للمظاهرة
قلت له نعم فرد علي لقد ألغيت المظاهرة و الجو ملبش اوي و قبضوا على من كان معه الملصقات و اخرون من المواطنين من أهل الإسكندرية و أرهبوا الجميع
وهنا وجدت أحد الكبار من أمن الدولة يقترب منا و هو رامي ودنه كالعادة فتوجهت إليه بالكلام و قلت له
إنها مظاهرة سلمية و لسنا مجرمون فلما كل هذة الحشود و لما كل هذا العسكر؟
فرد علي قائلا إنه تدريب و مناروة للجنود؟
فقلت له طيب و مشيت و سبته يملؤني الحزن و قلت لهم برافو
عرفتوا تخوفوا الناس سبناهلكم مخضرة إعملوا أنتو بقى المظاهرة و تركت بهو المحكمة و فيه ما لا يقل عن
خمسين إرهابيا بالنظارت السوداء و المسدسات الثقيلة و الوكي توكي
لكنهم لم يتركوني فقد رايت إثنين من ذوي النظارات السوداء
و المسدسات الثقيلة يهرلون خلفي و ظلوا ورائي لم يتركوني على مسافة بعيدة و قد ظللت أمشي و أمشي
ثم إستوقفت تاكسي و ذهبت لمكان ما
و علمت فيما بعد أن في القاهرة أيضا كان هناك مجازر و إعتقالات و أنهم قد إعتقلوا كمال خليل و أخرون
و ان الموقف متوتر في القاهرة و هناك إعتصاما من أجل المعتقلين
كانت الأمور صعبة هذة المرة و أرادوا فعلا أن يهدموا المظاهرة من اساسها فإعتقلوا البعض و أرهبواالبعض
و ربما أيضا كانت هناك بعض الأخطاء بتركيز ملصقات كفايه مع أشخاص بعينها فعندما تم إعتقالهم
لم يجدالأخرون بديلا .
و رغم الإعتقالات و الإرهاب فإن كفاية مستمرة للنهاية و سوف تقوى و تستمر لانها حركة شرعية
و مطالبها شرعية "لا للتمديد لا للتوريث لا للطوراىء"
و من حقنا ان نتظاهر سلميا و نعبر عن رأينا دون أن يعتقلنا أو يرهبنا احدا فهذا حق يكفله الدستور
و إن مصر هي بلد المصريين كلهم و ليست ملكا لمبارك ولا حاشيته
كفاية يا مبارك كفاية كفاية كفاية مش عوزينك
إستحملي يا كفاية هي دي البداية

27 comments:

فلان الفلانى said...

كلما ازدادت كراهية الناس للديكتاتور كلما ازداد توحشا وقسوة .. سوف يكشف حسنى مبارك وكل زبانيته عن الوجه القذر للنظام المصرى .. سوف يفتك بمعارضيه فى معركة حياة او موت .. لن يترك السلطة الا محمولا الى قبره .. يجب ان يتبنى المجتمع المدنى المصرى مطلب محاكمة كل منتهكى حقوق الانسان فى مصر امام المحكمة الجنائيه الدوليه

Egyptchampion said...

Like u said, Masriyya, this is the 1st day of true kifa7 because Mubarak has declare war on all who oppose him. We will not live in 'Mubarakya' anymore. We will get our country Egypt back, even if we have to die, to free our country of Mubarak's internal occupation of it. There is no difference between i7tilal kharigi Isra2eeli to our country and I7tilal dakhili 7umbaraki to our country. I will not accept to live in this Mubarakya and accept this i7tilal dakhili of 7umbarak.

simsim said...

للأسف يجب أن تطور كفاية تكتيكاتها وإلا ستنتهي بسرعة . ما حدث اليوم لمظاهرات كفاية وماحدث يوم 27 مارس لمظاهرات الإخوان ماهو الا نموذج بسيط للأسلوب الذي سيتبعه الأمن في الأسابيع والأشهر القادمة , ويثبت ان اللي مانعهم لغاية الأن من الهجوم الكاسح علي الحركة , والحركات الأخري هو الخوف من الضغط الخارجي وليس أي شيئ آخر. أيضا يجب علي كفاية حساب نقاط قوتها وضعفها بمنتهي الأمانة حتي لاتخدع نفسها , وتبني تحركها علي أساس هذا التقييم .

Storm-petrel said...

حمداً لله على سلامتك يا عزيزتي
الالتحام بالجماهير هو بداية الطريق يا سمسم وهو الغاية والوسيلة في آنٍ واحد
ولابد كما ذكرت من تطوير التكتيك والاستفادة من التجارب النضالية الناجحة للشعوب الأخرى

simsim said...

المشكلة يانذير العاصفة ان مافيش التحام بالجماهير . هي مجموعة صغيرة عاوزة تتجمع في نفس المكان زي دار القضاء العالي أو نقابة الصحفيين ويتم تصويرهم من شبكات الأعلام الأجنبية وشوية شعارات قوية ترددها أصوات مرتعشة وبس . لفت نظري في مكان علي الانترنت يناقش أحوال المصريين واللينك موجود علي موقع كفاية , والكلام كان لواحد مشترك في مظاهرة اليوم غالبا خارج القاهرة , وبيقول ان اللي حازز في نفسه ان الناس ماشية بتقول هو فيه ايه , يعني ماعندهاش أصلا فكرة عن حركة كفاية أو انها حتنظم مظاهرة أو غيره , ويقول هذا الشخص مامعناه ياخوفي أن نكون نحن في واد والناس في واد أخر . وهناك كتابات من ناس يصعب علي تصديق أنها تروج الكلام الذي تقوله بفعل أوامر من السلطة . مثلا مجدي سرحان في الوفد من 3 أسابيع تقريبا كتب في الوفد يقول ان حركة كفاية كما يتردد بين الناس علي سبيل التهكم هي حركة ال150 . ومجدي مهنا كتب في عموده أيضا من اسبوعين أو أكثر في المصري اليوم أن لديه تقارير تقول أن بعض من يخرج في مظاهرات كفاية بيقبضوا علشان يتظاهروا . المظاهرات حسب ماورد في وكالات الأنباء بتجمع 500 أو 1000 شخص علي أقصي تقدير .
لهذا أنا كتبت ماكتبت . يجب عليهم تغيير التكتيكات , ويجب معرفة مايمكنهم النجاح فيه والتركيز عليه أما أن يحدد موعد للتظاهر مرة كل شهر أو كل أسبوعين في مكان معروف ومحدد ويستنوهم فيه ويضربوهم وينفضوا فهذا في رأيي اهدار للمجهود . علي حسب كلام صاحبة المدونة وهي شاهد عيان أنها كانت في مكان التجمع المحدد ومعها واحد أو اثنين واحد نبهها أن التجمع اتلغي , وبقية الحضور مباحث . بقي ده اسمه كلام .

simsim said...

في الواقع النظام هو المستفيد . والحركة بهذا بتستغل بدون وعي لأن النظام حصرهم وبيقول للعالم شوفوا أديني سايبهم بيشتموا وهم عددهم لايزيد عن 1000 فرد , وأنا لاأمنع الناس من التحدث , ولكن أريد أن أضمن المحافظة علي الأمن وسلاسة المرور الخ .

wa7da_masrya said...

الله يسلمك يا ستورم أنا فعلا شايفة أن حركة كفاية لازم تتطور تكتكتها في المرحلة الجية عشان تعرف تتعامل مع الوحشية و الإرهاب التي بداها النظام اليوم الفترة القادمة ستكون مختلفة و يلزمها تفكير و تدبير
لا أدري كيف لمبارك بالأمس أن يقول أنه سوف يترك المعارضة تعارض و لها الحرية و أن الطوارىء هو فقط لتجار المخدرات و الإرهابيين و اليوم يعتقلون و يرهبون مواطنيين عاديين في مظاهرة سلمية بهذة الطريقة
أيووه على الكذب يا مبارك أنت حقا لا تستحق ثقتنا و أنتظر اليوم الذي نرى مصر خالية منك و من معك

wa7da_masrya said...

بس عارف يا سمسم قابلت بنت عمرها 17 سنة جت المظاهرة لوحدها كده لما سمعت عنها و كانت ترتعش من الخوف عندما شاهدت كل تلك الحشود العسكرية و أيضا معظم من جاوا كانوا ناس عادية جدا رأوا أن كفاية تعبر عنهم فاتوا من غير أي غرض غير المشاركة من أجل التغيير ,الناس عوزة والله و الناس كلها بتقول كفاية بس المشكلة الخوف يا سيدي الإرهاب والله هذا هو الإرهاب لما تلاقي خمسين واحد كل واحد حاطت أعلى مؤخرته مسدس زي المدفع ممكن لو طلعه يخلص على الكل ده غير النظارات السودة و الوجه المتهجم أشكال مرعبة بجد

simsim said...

طبعا كل الناس تعبانة ومش مبسوطة بس المشكلة ان الناس دخلت شرنقة اللامبالاة علي رأي يوسف القعيد وأيضا الأمن بيستفيد من خبراته السابقة ويصعب أن يكرر أخطائه السابقة وعلشان كده عندما تأتي الحركات الشعبية وتكرر أساليب قديمة ونجحت في السابق فهي في الغالب سوف تفشل اليوم . يعني مثلا في مظاهرات 1977 كان اليسار والعمال في افضل حالاته وكانت المصانع موزعة في مختلف المحافظات وفي أماكن استراتيجية ولهذا عندما اندلعت المظاهرات في جميع المحافظات في وقت واحد وبأعداد كبيرة لم يستطع الأمن عمل شيء لأنه لايملك العدد الكافي ولا المعدات اللازمة واستدعي الأمر نزول الجيش . وتعلم الأمن الدرس فأصبح عدد الأمن المركزي رهيب حيث كتب عبد الحكيم دياب في القدس العربي أن العدد بلغ مايقرب 700 ألف فرد , والتجهيزات حديثة تشمل عربات مصفحة وهليكوبتر وخلافه .

فهمي للأمور أن الأمن مستني الأوامر وسوف يخلص من الكل بل هو متحفز ومش عاوز الأمور تفلت منه وهو ليس عنده مشكلة في هذافهذه هي العقلية الأمنية . المشكلة ان حبس سعد الدين ابراهيم وأيمن نور هيج عليهم الخارج فأضطروا للرضوخ وهم فقط حاملين هم الضغوط الخارجية فقط . لهذا لابد من تغيير التكتيك .

simsim said...

بمناسبة مظاهرات 1977 تعرفي المظاهرات طلعت ليه , لأن عبد المنعم القيسوني وهو من المدرسة الكنزية في الاقتصاد رفع ثمن كيلو الرز مش فاكر قرش ورغيف العيش تعريفة (طبعا ماحدش يسمع عن التعرفة النهارده ) وانبوبة البوتاجاز مش فاكر شلن ( برضه من العملات المنقرضة الآن ) وكانت الناس بتهتف باسم سيد مرعي رئيس مجلس الشعب في ذلك الوقت وبتقول : سيد بيه كيلو اللحمة بقي بجنيه . في سنة 67 و 68 كان كيلو اللحمة في الجمعيات مسعر ب68 قرش وأخذ عشر سنين علشان يوصل لقرب الجنيه . النهارده كيلو اللحمة علي حسب مابأسمع لأني لاأكلها وصل لأربعين جنيه والناس ولا كأنها هنا .

wa7d_masry said...

فاكرة أما سألتك أزاي انتي عندك الحماس ده او ايه نقطة التحول اللي خلتك مهتمه او ازاي عندك الايجابية دي انا في رايي ازاي تتحول الأعلبية الصامته الخايفة السلبية الي ناس ابجابيين كل الناس زميلي .. جاري .. صاحبي أزاي ؟؟؟؟ انا عارق تاس كتير مقتنعيين بالكلام بتاعنا بس بس قاعدين في مدرجات المتفرجين
مش عارف مستنببن ايه لغاية ما البلاد كلها تروح ولا الناس تموت من الجوع زاي الصومال
انا كنت سالتك عن الموضوع ده و عن نفسك في أي ميل فاكرة من واحد مصري
بالنسبة للمنصورة كل اللي حصل ان مجمع المحاكم أتحول لثكتة للأمن المركزي والمطافي ( علشان اللي كان عاوز يستحم كانوا مصممين انه كده كده محدش يتجمع
لازم كل الناس تعرف ان الخوف بيقتل صاحبه
واحد مصري

Anonymous said...

welcome back masrya , n shaa allah next steps will be better, we must learn from our tough lessons.

Amadi

Anonymous said...

Masrya look here

http://www.imbh.net/aldaftar/showarticle_ar.php?articleID=288

Amadi

Ghada said...

برافو
عرفتوا تخوفوا الناس!

مش عارفة أعلق ع الجملة دي بإيه! ..بجد وجعتني جامد. بس يا ترى هنفضل خايفين كده كتير؟ وعساكر الشطرنج السودا هتفضل محاوطانا كتير؟ واللي بيحركهم هيزهق إمتى؟ .. عمري ما حبيت الشطرنج!

elarmouty said...

الحمد لله كل اللى بيحصل ده معناه حاجة واحدة بس .. الديكتاتور وحاشيته والنظام كله بيتهاوى والنهاية قربت خالص
كل هذه التصرفات العبيطة والأرهاب الحكومى فى مواجهة مظاهرات "كفاية" السلمية أظهرت عجز حسنى مبارك وحاشيته وزبانيته وعد قدرتهم على مواجهة الشعب الأعزل. ولا نملك إلا أن قول لا حول لا قوة إلا بالله وحسبنا الله ونعم الوكيل

wa7da_masrya said...

فكرة يا واحد مصري سؤالك عن كيف نحول الناس للإيجابية؟
و و من واقع تجربتي البسيطة مش حعرف أرد فبالنسبة لي لا أعتقد انه قد حدث شيئا يحولني لإيجابية لأني قد عودت نفسي أو نفسي هي التي عودتني أن أكون كده في اي حاجة و أي حتة في الشارع و البيت و أي مكان,يمكن يكون أسلوب تربية و لازم نغرسه في نفوس الأطفال أن لما يشوف حاجة غلط او يشوف ظلم لازم يقف قدامه و ده كلام دين الإسلام بيقولوا و أنه لازم ديما يفكر في اللي حوليه زي ما بيفكر في نفسة ,
سؤالك مهم و لازم نلاقي له إجابة
إحنا أصبح عندنا أمراض إجتماعية كتير محتاجة علاج .

Sawaaa7 said...

Masrya;
Heyah tarbeyah for sure, lama kont fe masr my mom was always so scared from everything, she tought me to 2amshy gowah el 7eet, mostly they killed in us all the proactive feelings ever, el mohem tezaker we tenga7, we teshtaghal, we tetgaweez,..... and teach ur children enohom yemshoh gowah el 7eet bardoohh

yet, i was lucky, I moved to canada to study there, 1st year i did nto care, second year i start to read in student politics, i felt i never learned, i felt we were wrong tought, we were tought to be gobanah, we shoudl stand and say no.

3rd year i start to join some activities, then i start to be more active, i read much more, talk to people, I do nto say i'm a good example, but what i feel and happy about, i broke gedar el samt, I'm objecting when i see somethign wrong. and this is 1st step for change.

Egyptchampion said...

U r all right that Kifaya needs to change and develop it's tactics, and they have begun to do so by creating a part of Kifaya for the young people which is an excellent idea.
Another idea that Kifaya can use to attract the millions of poor people is to start a campaign to collect people's complaints, '7amlit gam3 Shakawa' written and directed to the president. Each person writing down his problems, and then Kifaya can organize a huge silent, peaceful walk of all these people who have complaints directed to the president walking to his home and asking to meet him, to present these complaints to him personally. Imagine 1 million poor people who want peacefully to meet with the president and ask him to at least hear their problems. A campaign called 'Isma3na ya Rayyis' for example. This campaign should not be as aggressive as Kifaya so it won't scare millions of poor people from joining it. It will put huge pressure on the president, and these millions of poor people will begin to come out of their shell and become active, step by step. Just an idea. Let's think together and see if we can help Kifaya with new ideas.

masrawy said...

يا جماعة الخير ..كفاية بترتكب الخطأ نفسه للمرة المليون ..الاعلان عن مكان التظاهر خطأ كبير المفروض يتم تحديد اليوم فقط اما الميعاد والمكان فعن طريق الايميلات والتليفون وال sms

wa7da_masrya said...

yes u are right ya egyptian champion we shoud think and have new ideas for kefaya ,and also keep it as much as possible in secret even at the begining

el moshkela ya masrawy en el dstor by2ol lazem t3len 3an makan w ma3ad el mozahra 3ashan keda lazem n3len 3anha

Tawtaw said...

I add my voice to Egyptchampion alternative tactics might be very effective, I would personally suggest these:
1 – A campaign to collect 1 million tawkee3 of people who wish to say no to Mubarak
2 – A song contest throughout Egypt to say NO and the best 5 songs will be collected and distributed on tabs and on the Internet.
3 - A space on the Internet for people to add their reasons of “y they say kefaya tamdid?” just points added by people on anonymous basis
4 – Banners in the streets just beside those that say yes to Mubarak, and when the Amn removes them it could be recorded by cameras and send to fada2eyat for world to see how much freedom we have.

wa7d_masry said...

و بدأت حفلات الرقص
قام بأداء الفقرة الأولي الفنان مرتضي منصور يعونه :
مزمار : الدهشوري حرب
رق : أحمد شوبير
طبلة : فاروق جعفر ( بيقول أحنا ملناش غير حسني مبارك زعيم وأنا بقولك وأحنا ملناش غير ربنا )
الحفلة كانت في أحدي قري الدقهلية وطبعا الفكرة هي المبايعة .
نفسي أسأل ( أن كان لي الحق في البلد أسال ) أشمعنا هم كانوا قاعدين علي كراسي وفي حراسة الأمن واحنا بننضرب يمكن علشان احنا عملاء للخارج زي ما بيقول مرتضي في وصفه لحركة كفاية.
انت معك حق يا مرتضي في اللي انت بتعمله ليه ؟؟؟؟
علشان انت بتدور على مصلحتك وانتخابات مجلس الشعب قريب فلازم تظهر في الدائرة بتاعتك وعلشان الجزب الوطني يرشحك المرة دي( المرة اللي فاتت الحزب مرضاش يرشحه وبرضه كسب مرشح الحزب الوطني وهو عارف أزاي وأهالي دايرته كلهم عارفين سيادة المستشار عمل ايه ) علشان كدة كان لازم المؤتمر يكون للمبايعة (مع أن البلد معدش فيها حاجة تتباع ) فهو ضرب عصفورين بحجر .
بس احنا حقنا ان ندور على ناس شرفاء مش ناس بتدور على مصلحتهم بس
ان عاوزك يا سيادة المستشار تتفرغ لنادي الزمالك أحسن لك أحسن للنادي الأهلي علشان الزمالك يطلع بحاجة السنة الجاية انما شوية في مجلس الشعب وشويه في المكتب والقضايا اللي أنت رفعها بسبب الكورة والمبايعة كفاية عليك حاجة واحدة علشان ذهنك ما يكوتش مشوش

اخر حاجة ان عارف ان المستشار بيمثل شريحة من المجتمع المصري الشريحة دي بأختصار هي اللي تقدر تعمل فرح زي ما سيادة المستشار عمله لأبنه( حقك ومحدش بيقول حاجة) بس عاوزين نعرف فرح في فندق خمس نجوم بالبرنامج يكون فيه الراقصة حديث الشارع المصري يتكلف كام للعلم فقط …

وجدى said...

اعلنها اديب انها المفاجاه التى وعدنا بها فى تمثيليته انها نتيجه الانتخابات الرئاسيه القادمه بين السيد الرئيس وايها جعيص اخر شايف نفسه ونازل قصاد السيد الرئيس
واليكم السيناريو
ياسيدى هو اللفظ الذى ظل الاخ اديب- المحدود التفكير والمحدود الذكاء كما وصف نفسه-يخاطب به سيده حسنى مبارك
وظل الاستاذ المحدود يستدرجنا فى حواره الغير ممتع-وبراءه الاطفال فى عينيه-لياخذنا الى المفاجأه والتى صاغها فى اسلوب فوازيرى نادر حتى ظن معظم من تابعوا اللقاء اياه ان ،لا فيه مفاجأه ولا حاجه
ولكنى سافاجاكم انا شخصيا بانى حليت الفزوره واكتشفت المفاجاه- وارجوكم سامحونى لانى ساصدم مشاعركم بتلك المفاجاه المغلفه بغلاف البراءه المفتعله - العجيبه
وعلى فكره كل تلك التمثيليه العجيبه كانت من اجل ايصال تلك الرساله لمن يهمه الامر
القصد علشان ماطولش عليكم زى الاخ المحدود ماطول
المفاجاه عندما سال الاخ المحدود السيد المبارك - وطبعا وهو مكسوف جدا وبمقدمته المكرره(اسالك ياسيدى سؤال بس ماتزعلش )( وارجو ان سيادتك ترد بصراحه كما عودتنا )
وبما ان السيد المبارك مابيزعلش ابدا من حد لدرجه انه مش زعلان من بتوع كفايه ولا حاجه ولا جنوده وضباط امن دولته المهذبين م ضربوش حد فى مظاهات 27 ابريل ولا قمعوها ولا حاجه
فقد اجاب على الاستاذ المحدود انه مش حيزعل
وكان السؤال القنبله - وطبعا هى مش قنبله ذريه علشان احنا ماضيين على معاهده حظر الانتشار النووى علشان منزعلش رجل السلام شارون-
(سيدى الرئيس ياترى ممكن تزعل لو نزلت الا نتخابات الجايه -التى مازال السيد الرئيس يفكر ويفك ثم اخذ يفكر ويفكر قال يعنى-ومكانتش النتيجه زى قبل كده- يقصد ال99% اياها-وكانت النتيجه هذه المره 60% او 65%-اشمعنى مش 50 او حتى 40%يعنى-
وطبعا اجاب السيد الصريح اسف قصدى السيد الرئيس(طبعا لا مش حزعل كل واحد يعبر عن نفسه)
ياسلام سلم وهنا صحت كما صاح نيوتن عندما سقطت عليه التفاحه -وجدتها-
ايوه وجدت المفاجاه وحليت الفزوره المحدوديه-نسبه للاخ محدود الذكاء والتفكير-
انه يعلن نتيجه الانتخابات الرئاسيه القادمه -اى والله- فالنتيجه التىيحضرون لها من الان
هكذا اعلنها علينا الاخ المحدود بصراحه كده وبكل وضوح
ستكون النتيجه هى فوز السيد المبارك محمد حسنى المبارك الفوز على ايها اجعص جعيص ينزل قصاده الفوز بالضربه القاضيه وفى فى الجوله الاولى بنسبه ديموقراطيه جدا - نسبه طبعا للحزب الوطنى مش وطنيتكم اللى ضد الثوابت والقيم الشرقيه اياها-60 او 65% وعشان نقطع الطريق على الوحشين الامريكان والعوازل الاوربيون وعشان ماحدش يفتح نفسه ويطول لسانه
ويحيا الرئيس ويسقط الشعب الحاقد وكفايه يا بتوع كفايه
المهم فى الموضوع ان السيد الرئيس مش حيزعل من النتيجه الهفأ دى طبعا لانه زاجل ديموقراطى جدا - امال مش رئيس الحزب الوطنى الديموقراطى-
وطبعا ممنساش انه لم ياخذ قرار بعد- رغم ان النتيجه قد تم اعلانها فى البرنامج المفاجاه - وانه مازال يفكر ويفكر
وهنا انتابتنى حاله هستيريه بشنديه- نسبه لاخينا المسكين الضحيه بشندى-فانطلقت صارخا امام التلفزيون
كفايه كفايه كف----------------ايه
اى والله العظيم كفايه

وجدى said...

اعلنها اديب انها المفاجاه التى وعدنا بها فى تمثيليته انها نتيجه الانتخابات الرئاسيه القادمه بين السيد الرئيس وايها جعيص اخر شايف نفسه ونازل قصاد السيد الرئيس
واليكم السيناريو
ياسيدى هو اللفظ الذى ظل الاخ اديب- المحدود التفكير والمحدود الذكاء كما وصف نفسه-يخاطب به سيده حسنى مبارك
وظل الاستاذ المحدود يستدرجنا فى حواره الغير ممتع-وبراءه الاطفال فى عينيه-لياخذنا الى المفاجأه والتى صاغها فى اسلوب فوازيرى نادر حتى ظن معظم من تابعوا اللقاء اياه ان ،لا فيه مفاجأه ولا حاجه
ولكنى سافاجاكم انا شخصيا بانى حليت الفزوره واكتشفت المفاجاه- وارجوكم سامحونى لانى ساصدم مشاعركم بتلك المفاجاه المغلفه بغلاف البراءه المفتعله - العجيبه
وعلى فكره كل تلك التمثيليه العجيبه كانت من اجل ايصال تلك الرساله لمن يهمه الامر
القصد علشان ماطولش عليكم زى الاخ المحدود ماطول
المفاجاه عندما سال الاخ المحدود السيد المبارك - وطبعا وهو مكسوف جدا وبمقدمته المكرره(اسالك ياسيدى سؤال بس ماتزعلش )( وارجو ان سيادتك ترد بصراحه كما عودتنا )
وبما ان السيد المبارك مابيزعلش ابدا من حد لدرجه انه مش زعلان من بتوع كفايه ولا حاجه ولا جنوده وضباط امن دولته المهذبين م ضربوش حد فى مظاهات 27 ابريل ولا قمعوها ولا حاجه
فقد اجاب على الاستاذ المحدود انه مش حيزعل
وكان السؤال القنبله - وطبعا هى مش قنبله ذريه علشان احنا ماضيين على معاهده حظر الانتشار النووى علشان منزعلش رجل السلام شارون-
(سيدى الرئيس ياترى ممكن تزعل لو نزلت الا نتخابات الجايه -التى مازال السيد الرئيس يفكر ويفك ثم اخذ يفكر ويفكر قال يعنى-ومكانتش النتيجه زى قبل كده- يقصد ال99% اياها-وكانت النتيجه هذه المره 60% او 65%-اشمعنى مش 50 او حتى 40%يعنى-
وطبعا اجاب السيد الصريح اسف قصدى السيد الرئيس(طبعا لا مش حزعل كل واحد يعبر عن نفسه)
ياسلام سلم وهنا صحت كما صاح نيوتن عندما سقطت عليه التفاحه -وجدتها-
ايوه وجدت المفاجاه وحليت الفزوره المحدوديه-نسبه للاخ محدود الذكاء والتفكير-
انه يعلن نتيجه الانتخابات الرئاسيه القادمه -اى والله- فالنتيجه التىيحضرون لها من الان
هكذا اعلنها علينا الاخ المحدود بصراحه كده وبكل وضوح
ستكون النتيجه هى فوز السيد المبارك محمد حسنى المبارك الفوز على ايها اجعص جعيص ينزل قصاده الفوز بالضربه القاضيه وفى فى الجوله الاولى بنسبه ديموقراطيه جدا - نسبه طبعا للحزب الوطنى مش وطنيتكم اللى ضد الثوابت والقيم الشرقيه اياها-60 او 65% وعشان نقطع الطريق على الوحشين الامريكان والعوازل الاوربيون وعشان ماحدش يفتح نفسه ويطول لسانه
ويحيا الرئيس ويسقط الشعب الحاقد وكفايه يا بتوع كفايه
المهم فى الموضوع ان السيد الرئيس مش حيزعل من النتيجه الهفأ دى طبعا لانه زاجل ديموقراطى جدا - امال مش رئيس الحزب الوطنى الديموقراطى-
وطبعا ممنساش انه لم ياخذ قرار بعد- رغم ان النتيجه قد تم اعلانها فى البرنامج المفاجاه - وانه مازال يفكر ويفكر
وهنا انتابتنى حاله هستيريه بشنديه- نسبه لاخينا المسكين الضحيه بشندى-فانطلقت صارخا امام التلفزيون
كفايه كفايه كف----------------ايه
اى والله العظيم كفايه

The secret said...

تفتكروا إيه الفرق بين مصر وبين لبنان؟

وليه لبنان كان فيه مظاهرات مليونية ومصر لأ؟

مع إن الوضع في مصر أسوأ

سؤالي تحديدا: من أين أتى اللبنانيون بهذا الوعي السياسي الذي يفتقده المصريون؟

Egyptchampion said...

Lebanon doesn't have Emergency Laws. Mafeesh qanoon tawri2 hinak now.

The secret said...

وانت متخيل اللبنانيين حيقبلوا أصلا يتحكموا بقانون طوارئ؟


أنا بتكلم عن الوعي السياسي، الوعي السياسي لدى الفرد، إن الواحد يكون عنده موقف ما من حاجة معينة، وده ملوش دعوة ولا بطوارئ ولا بغير طوارئ


أنا شايف إن الحرب الأهلية ساهمت بشكل كبير في تشكيل وعي سياسي لدى اللبنانيين، على الرغم إن اللبنانيين عاشوا سنين سوداء إلا إنهم دلوقتي بيجنوا ثمار الحرب، الخبر اللي اتشكلت عندهم سياسيا، أنا أخشى إن مصر مش حتوصل لمرحلة لبنان إلا بصدمة بحجم الحرب الأهلية
ربنا يستر