نهارده صدر أول عدد من جريدة الدستور و رئيس التحرير هو إبراهيم عيسى أنا فرحت جدا لما شفتها و وجدت إسم إبراهيم عيسى عليها أنا كده إطمنت و لكن يظل سؤال يشغل بالي حبيتين إيه أسباب صدور الجريدة تاني؟ و كيف؟ و إبراهيم عيسى كان رئيس لتحرير صحيفة الغد أول عدد فقط والذي حتى لم يرى النورحتى تم تغيير رئيس التحرير و انا أعلم أن النظام في مصر لا يحب هذا الصحفي الشجاع و حاربوه كثيراإذن ما السر ؟ و فجأة كده تطلع الدستور؟على العموم المهم أن الدستور طلعت للنور من تاني بعد غياب7 سنوات و كانت اخر مرة صدرت فيها أعتقد سنة 1998 كنت احرص على قرأتهاكل أربعاء منذ ان صدرت و حتى إيقافها و كنت أيامها لسه طالبة .لم أقرأ العدد الأول بعد لأني لسه جايباه دلوقتي بس لا حظت أنه قد كتب عليها العدد الأول ؟؟!!! الإصدار الثاني :)وقد بدأت أول صفحة بكلمة " إستعنا على الشقا بالله" و في أول صفحة عناوين منها:
- مصر المحروسة...مصر المنفوخة
-ما هو إحساسك و إنت كيس جوافة
-الشعوب العربية في القاع و القادة في القمة
- مصر المحروسة...مصر المنفوخة
-ما هو إحساسك و إنت كيس جوافة
-الشعوب العربية في القاع و القادة في القمة
7 comments:
أنا كمان اندهشت و أخوي بيفرجني عليها، لأني وجدت مكتوبا عليها العدد الأول، و الحقيقة ملاحظتش حتة الإصدار التاني دي. لاحظتي أرقام الصفحات؟
لكن السبب اللي كان أخوي بيفرجني عليها عشانه و اللي هو اكتشفه بالصدفة هو صفحة المدونات فيها.
فعلا مفاجأة الصفحة 24 من جريدة الدستور كلها إقتباسات من المدونات :)
أنا شفت إبراهيم عيسي في الجزيرة و قال عن الموضوع ده إن الدستور خدت حكم محكمة من حوالي أربع سنين بإعادة الإصدار، و إن التنفيذ حصل دلوقتي بسبب الضغوط الداخلية و الخارجية. حد يعرف إذا كان لهم موقع ع الإنترنت؟؟
بحثت على الإنترنت لم أجد للجريدة موقع على الإنترنت كانت حتبقى حاجة ظريفة أوي لو في موقع للجريدة عشان نبعت
على الإيميلات لكل الناس تقرأ و تستمتع .
أنا لما قريت الدستور بجد حسيت أنها بتعتي قريبة مني فهماني زي ما تكون واحدة صحبتي .
كنت من قراء الدستور في إصدارها الماضي، و تحولنا إلى جريدة القاهرة عندما أوقفت الدستور، و أظن أن معظم طاقم الدستور كانوا انتقلوا إلى القاهرة.
موقع جريدة الدستور المصرية
http://www.eldostoor.com
بس الموقع مش تمام قوي
مش جاي على قد المستوى المطلوب لجريدة ورئيس تحرير بالقوة اللي احنا عارفينها
Post a Comment