Monday, May 23, 2005

إسكندرية .......قبل الإستفتاء بيومين


"نعم لمبارك تهنئة لأهالي المنطقة ,يوم الإستفتاء من كافتريا م.ي المشروب مجانا "
إحدى الكافتريات بأحد مناطق الإسكندرية مع عدة صور للرئيس الحالي.


"دول سحبوا رخصتي و إدوني بدلها ورقة عشان أوصل ناس للجان و قالولي بالورقة دي تيجي تاخد رخصتك تاني "
سواق تاكسي ركبت معه هذا الصباح


الحاج عشماوي يؤيد رجل دستور 2006 ,رجل الإصلاح ,رجل التغيير السياسي للديموقراطية مبارك"
يافطة على أحد محلات الجزارة بالإسكندرية

"نقابة المرافق تبايع الرئيس مبارك"
يافطة قراتها على البحر و مكنتش أعرف أن لدورات المياه نقابة لوحدها

" أحد رجال الحزب الوطني بالإسكندرية و هو أيضا رجل أعمال معروف و صاحب مصانع للعصائر و المخبوزات
ربنا يفرج عليه كمان و كمان ,أخبر عماله
أنه سوف يعطي لكل عامل مبلغ 25 جنية للذهاب و التصويت بالموافقة
على الإستفتاء ,نفس الرجل يضع يافطة من القماش في موقع إستراتيجي بشوارع الإسكندرية
يدعو فيها الشعب السكندري
لموافقة على تعديل المادة 76 من الدستور "

الطالب خالد جمال حشمت الطالب بالسنة النهائية وإبن الدكتور جمال حشمت عضو مجلس الشعب سابقا و عضو جماعة الإخوان المسلمين
رأيته مصحوبا هذا الصباح بسياراتان بوكس و مجموعة من الجنود بالرشاشات و ضابط من امن الدولة بالملابس السوداء
و ذلك كي يؤدي الطالب إمتحانات نهاية العام حيث أنه محبوس لإنتماؤه لجماعة الإخوان المسلمين
و تم إصطحاب الطالب على يد إثنين من رجال الأمن بالملابس المدنية في أحد الفصول منفصلا
و ظلوا معه طوال فترة الإمتحان و بعد إنتهاء الوقت إصطحبوه لسيارة البوكس إلى المعتقل مرة أخرى
و سط نظرات زملاؤه التي إمتلاءت بالحزن و الألم و السخط على الحكومة و النظام و سوف يستمر هذا مسلسل الرعب هذا يوميا حيث طالب خالد بأداء إمتحانات نهاية العام و وافقت له السلطات على أن يذهب للإمتحانات و يعود للمعتقل
في حراسة مشددة و إنها لديموقراطية مبتكرة!!!!!

عمال شركة العامرية للغزل و النسيج رأيت لهم أكثر من 50 يافطة
فقط عند مروري في بعض شوارع متفرقة بالإسكندرية ويبدو انهم قد أوقفوا إنتاجهم و قصروه على إنتاج
يافطات عالية الجودة من القماش و ذلك حبا في الإستفتاء و مبارك و الحزب الوطني
و لم يبقى إلا أن يقطعوا هدومهم و يعملوها يفط عشان مبارك و الإستفتاء.


8 comments:

Anonymous said...

حسبي الله و نعم الوكيل
بصراحة انا مابافهمش فى الحاجات دى ولا حتى اعرف المادة 76 دى فيها ايه بس الواحد بجد بتصعب عليه البلد و حال الناس

mahmoud zidan said...

لا حول ولا قوة الا بالله ... حقيقى عكننتينى اكتر ما انا متعكنن
مع انى عارف ومتاكد .. ان المنافقين دول اكبر خطرا علينا من الغرب نفسه
بس عايز اسالك سؤال .. لو كنتى شخصيا شفتى الشاب المعتقل
هل كان باين عليه آثار تعذيب؟

hatem said...

كفاية اية ياولاد الاية يفطة في شارع البحر في طنطا للمحامي محمد الغول اشهر محاميين طنطا وصل احتكار الراي الي السخرية وعدم تقبل الاخر اليافطة امام المحافظة وسمعت ان شيوخ الازهر تظاهرو في المحافظة فتم ضربهم حتي شيوخ الازهر

sawaaa7 said...

ana bas mesh faheem, leeeh el zetah deeh?

maho kol marah beyentakhebolnah as they now masla7etnah better than us.

2eshme3nah el nobady 3amlen zetah?
wala ta2reban feeh 2azmet 2e2lam 3ashan yektebo beha

ramses1 said...

واضح جدا فئة الشعب اللي تبايع السيد الرئيس:
جزارين على زبالين على ترزية على مرتادين حمامات عمومية

و طظ و ملعون بئة الدكترة و المهندسين و المحامين و أساتذة الجامعات

إيه الهجص ده؟

Anonymous said...

التجار مجبرين على تعليق هذا اليفط

العدل والمشورة said...

لا انا من اسكندريه
وهم عملو وصفه سهله لكل واحد
في اسكندريه برشامه وتونايه وحته لحمه من فرج
وامشي على طول انتخب
ما بني علي باطل فهو باطل
ربنا ارحمنا

sertac cesur said...

uzamax