Tuesday, February 22, 2005

بطاقتي الإنتحابية

رحت إنهاردة عشان أستلم بطاقتي الإنتخابية اللي كان المفروض أخدها من القسم من زمان ,دخلت القسم و سألت :" بطاقتي الإنتحابية لو سمحت أستلمها منين؟" رد الشويش و لا العسكري مش عرفة أستني المندوب جي دلوقتي قلت له :"مندوب اية" قام قالي "مندوب الإنتحابات" , قلت ماشي مندوب مندوب و بعد شوية حة واحد سأله العسكري فين البطاقات الأنتخابية؟" قله أحر الطرقة على الشمال .
و هنا كان المفروض أروح أخر الطرقة على الشمال . و ماله رحت أخر الطرقة على الشمال لقيت حجرة مليانة بشر قاعدين وواقفين موظفين و مواطنين ,
سألت واحد قاعد لو سمحت بطاقتي الإنتخابية ؟ فرد علي طب بطاقتك الشحصية لو سمحتي , قلت له إتفضل أهه .
بص فيها شوية و بعدين قالي "أصل أصل الحاجة لسة بتدخل على الكمبيوتر يا بشمهندسة لسه يعني أصل هي الحاجة في الكمبيوتر و لسة......" و قعد يلخبط و أنا مش فهمه منه حاجة فقطعت كلامه و قلت له يعني أحي إمتى أستلمها؟؟؟؟؟ فقالي الأسبوع الجي أصل الكمبيوتر...... قلت له أوكيه خلاص فهمت شكرا
خرجت من القسم و كلي أسئلة هو الراجل ده كان بيضحك علية ولا إية ماشي مفهاش حاجة لما البيانات تدخل على الكمبيوتر دي حاجة كويسة بس ليه كان عمال يلخبط كده تبقى واقعتهم سوده لو مختش بطاقتي و هم بقى يأخدوها و يخلوني من أنصار الحزب الوطني في الإنتحابات الجيه على العموم أنا وراهم الزمن طويل و لما نشوف إيه أخرتها مع الكمبيوتر بتاعهم ده .
بالمناسبة معلومة في الهوا (الإستفتاء على الرئاسة بيكون بالبطاقة الشخصية بس و مش لازم تكون عندك بطاقة إنتحابية)يلا بقى عايزه كل واحد و واحده زي الشاطر و الشاطرة يروح الإستفتاء و يقول لا لمبارك لا لمبارك لا لمبارك

2 comments:

MoonLightShadow said...

Dear wa7damasrya.. I liked what u wrote here.. glade to know that there are other people enthusiastic about that matter of the voting card..

Keep it going..

sertac cesur said...

uzamax