Thursday, February 22, 2007

الحكم أربع سنوات

أربع سنوات !!! منهم ثلاثة لإزدراء الأديان و سنة بتهمة إهانة الرئيس !!!!! نطق القاضي بالحكم أربعة سنوات ثلاثة للتهمة الأولى و سنة للتهمة الثانية نطقها في لمح البصر و إختفى ....أشعر بالحزن و لو أننا كنا نتوقع الحكم بالحبس ما بين ثلاثة إلى تسع سنوات لم أستطع رؤية وجه كريم و من كان قريب من القفص قال أنه كان يبحث في الوجوه ربما كان يبحث عن وجه يعرفه يطمئنة هذة المرة جاء من المدونين الكثيرون هيثم جار القمر و علاء و منال و عالقهوة و مالك و مينا و عمرو غربية و ساند مانكي و انا ...الحكم ليس موجه لكريم وحده بل هو لطمه لنا جميعا لكل المدونين و لكل من يتكلم و يعبر عن رأية و فكرة ....المشهد كان مزدحم في المحكمة كاميرات كثيرة و ميكروفونات أكثر و أقلام و ورق الكل جاء ليسجل ما يحدث أو جاء يبحث عن قبلة إعلامية تنفعة في مشوارة الإعلامي هكذا أحسست من سلوك بعض الإعلاميين .... بدأ البحث عن أي شخص ملتحي ليتكلم أمام العدسات ..... ثم عن المدونين ليتحدثون و بدأ سيل من الفتاوي في الإسلام و أحاديث و أيات بدأت تخرج و جدل و حوارات.......بالنسبة لي كان مشهدا مبكي و مضحك و لم ينتهي المشهد عند هذا بل جاء من طبقات الشعب و سكان المنطق عدد لا بأس به و سمعت تعليقات مثل "إشنقوه" و اخر تطوع و قال "إحنا لازم نغوزوه" في البداية وقفت أتحدث إليهم في محاولة لتوضيح ان هذا ليس حلا القتل و الحبس و الإيذاء لم و لن يكون حلا أو طريقة للتعامل بيننا و لكن يبدو أن حديثي لم يعجبهم " يعني قصدك إية يسب الرسول و نسكت له " لم أرد البدء في حديث الفتاوي الذي إمتلاء به المكان فتوقفت و إبتعدت و في أ ثناء وقوفنا خارج القاعة رأيت رجلا ملتحي يرتدي جلباب و طاقية إعتقدت في البداية أنه والد كريم ثم قال لي مالك أنه أبوعمر المصري و فجأة تجمعت حوله كل العدسات و الإعلاميين الموجودين و لم أستطع سماع ما قاله و لكن بعض المدونين سمعوه و هو يتحدث عن الإنتهاكات التي حدثت له منذ إن إختطفوه من إيطاليا و عذبوه هنا في سجون مبارك
و أمام الكاميرات قام بالكشف عن بعض أثار التعذيب في جسمه .. لم يحضر الرجل من أجل قضية كريم و لكن جاء لتسجيل موقف يخص قضيته ثم إنصرف و خلفة بعض الصحفيين
كانت ردود الأفعال الشعبية هي الأكثر إثارة لنا جميعا كمدونين و بعد إنتهاء المحاكمة و نزول الجميع للشارع بدأ مشهد جديد من الإفتاء و الجدل و الحوار و شارك فيه كل اللي كان معدي في الشارع و الناس اللي عالى القهوة و الستات من البلاكونات و تفرق كل من المدونين في ناحية البعض حاول أن يدافع و البعض وقف صامتا مشاهدا قبل أن نجتمع مرة أخرى لننصرف سويا و قد إتفقنا جميعا أن حكما كهذا صفعة لحرية الرأي و التعبير .

و أنا شخصيا أعتقد أن الحبس في تهمة إهانة الرئيس هي فضيحة و دليل قاطع على أننا نعيش أسود أيام الحرية أيام قمع و ظلم و هي كارثة بكل المقاييس و ربما تكون رسالة يوجهها النظام لكل الأقلام الحرة و أقولها على مدونتي إنني لن أتوقف عن فضح هذا النظام الغاشم نظام مبارك قدر إستطاعتي و لن أتوقف عن التعبير عن رأيي بحرية في كل الإنتهاكات
......

15 comments:

Anonymous said...

bgad ana aktar 7aga 7'an2anee 2we elle byd7'olo y2olo mabrook mabrook 3al mdwanat..y3nee fe eh y3neee
mayro7o yashofo nafshom el 2wal ..y3nee 7'las mashyeen 3al iisalm 2weee
3la fkra el tohma bta3t 2zdra2 el 2dyan de w23at..we by2olo fe tohma gdeeda 3shan el 3 yrs dool bas m2lohash.:S
http://gazaly.blogspot.com/2007/02/blog-post_22.html
we da nas el dfaa3 3an kareem
lw fe 27'bar gdeeda yrat n3raf basor3a..
we kman by2olo el 2st2naf yom el sabt.. y3nee bokra??

Dr. Ahmed Wagih said...

You had to see the comments on Al-Arabiya news site! democracy doesn't mean voting and a ballot box alone, it means a system of values that should be respected by all including freedom of belief, freedom of expression, etc... If these people jump into power, whatever small freedoms we have now, will be eliminated. I feel sick..

ألِف said...

نستنتج من هذا أن الرئيس ثلث الدين

طيف بدر said...

شيء غريب و الله
سب الله و سب الإسلام عادي و ليس فيه مشكلة
و لكن سب كريم أفندي عيب و لا يصح
إنتوا بتطلعوا منين ؟
http://alayasser.maktoobblog.com

shalaby said...

في البداية بالنسبة للحكم انا اعلق فقط علي الجزء الخاص في الحكم بازدراء الاديان وطبعا انا اري ان حكم الثلاث سنوات غير كاف ولا اتفق مع حكم اهانة الرئيس ونري انه حكم جائر . اولا سب واهانة الرسول او الاسلام ليس حرية راي علي العكس عندما يقوم حثالة من امثال كريم عامر بالتعدي علي دين 1/4 سكان العالم واغلب سكان مصر فهذا تعدي علي حرية الاخرين .حرية الراي لا تعني الكفر . وفي النهاية نتمني لانفسنا وله الهداية " إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاءُ وَهُوَ أَعْلَمُ بِالْمُهْتَدِينَ " صدق الله العظيم

ma 3lina said...

مش عارف أقول إيه
كل اللي دافعوا عن كريم هم جزء من كبت حرياتنا لغاية دلوقت .. جزء من السلسلة اللي ملفوفة حوالين رقبتنا
وبدل ما يقفوا مع المعارضة الحقيقية .. معارضة الشارع .. ويطالبوا بحرية مسئولة .. حرية نقد الأوضاع الخاطئة والتصدي لها .. أخدوا جنب لوحدهم .. ووجهوا كل جهودهم للدفاع عن حرية الفوضى والإهانة
وأعطوا فرصة لنظام مبارك إنه يظهر بمظهر اللي بيدافع عن الإسلام وعن المجتمع .. وإنه مش بيدي الحرية للناس عشان فيه ناس زي كريم بيستغلوا حريتهم غلط .. الله يسامحكم
مش عارف اسمي اللي حصل منهم دا إيه سذاجة ولا غباء
الناس اللي بيطالبوا بالتغيير حاطين نفسهم في قوالب جامدة ورافضين تماماً إن هما نفسهم يتغيروا ..
الناس اللي عايزة الإصلاح هما نفسهم اللي بيدافعوا عن حرية الإفساد
اتخيل إن المفروض القائمين على نظام مبارك يوجهوا لكل اللي دافع عن كريم خطاب شكر وتحية على حسن التعاون الغير مقصود
أنا لسه في انتظار اللي دافعوا عن طالب جامعي .. يدافعوا عن دكاترة جامعة وعلماء ومهندسين ورجال أعمال مدنيين ومقدمين للمحاكم العسكرية

طارق فتحي حسين said...

الاسلام علمنا الفارق بين حرية المعتقد وبين اهانة المعتقد كما علمنا الفارق بين الحرية المسئولة وبين الفوضي الخلاقة حسب نهج كوندليزا رايس

Unknown said...

الأول من غير فلسفة كده على الفاضي .. ده جزئ من مقال في مدونة عبد الكريم ..

QUOTE:========================


إن التعاليم الإسلامية التى جاء بها محمد قبل أربعة عشر قرنا يجب أن تواجه بكل شجاعة وجرأة ، يجب علينا أن نفضحها ونبين سوءاتها ونظهر للعيان مساوئها ، ونحذر البشرية من خطرها ، يجب علينا ( على إختلاف إنتماءاتنا ) أن ننظر بعين العقل الى هذه التعاليم التى تعمل على تحويل الإنسان الى وحش مفترس لا يفقه فى لغة الحياة سوى القتل والنهب والسلب وإغتصاب وسبى النساء .,,
يجب علينا أن نعقد محاكمة لكل رموز الإرهاب والتطرف الذين إحتفظ لنا التاريخ الإسلامى بأسمائهم وأفعالهم الإجرامية بدءا من محمد بن عبد الله مرورا بصحابته سفاكى الدماء من أمثال خالد بن الوليد وعمر بن الخطاب وسعد بن أبى وقاص والمغيرة بن شعبة وسمرة بن جندب ..


================================


من رأيي .. الكلام ده مالوش أي علاقة بحرية الرأي و لا الفكر .. ولا ليه علاقة بأي منطق .. و مافيش عقل ممكن يتناقش فيه أو يقبله .. أنا فكرتي عن حرية الرأي أني ممكن أقول رأيي بحرية تامه عن أي حاجه في أي مكان و في أي وقت في حدود المنطق الي المفروض عقلي يقبلة و عقل الناس الي بكلمهم يقبله .. و كل ده يكون في منطقه بعيده عن العقيده و الدين .. و بالذات أوي لما أقول لنفسي هو أنا مين علشان أتكلم في الدين ؟؟ .. أو أنا أبقى أيه علشان أقول رأيي في الرسول -عليه الصلاة و السلام- .. و بالأخص لو ماكنش عاجبني !! ده يعني باعتبار أني أحسن منه ولا أيه مش فاهم ؟؟
يعني لو اعتبرت الكلام ده "حرية رأي" .. يبقى أكيد كمان تطاول البابا بينديكتوس بابا الفاتيكان على الرسول كان حرية رأي .. و نفس الموضوع مع صحافة الدانيمارك كان حرية رأيي برضه.

رأيي أنا .. في الموضوع ككل .. أن الأخ عبد الكريم الي كتب الكلام ده أنسان مريض للأسف .. حبه للفت الأنتباه ليه خلاه يمشي في الطريق ده , الي هو طريق الناس الي عملو كده قبله زي د. نوال السعداوي مثلا ً و غيرها كتير الي أتشهرو بالكلام الفاضي ده .. و عل فكره يمكن فعلا ً ده بيدل على فشل جامعة الأزهر في تعليمه .. لكن مش فشل الجامعه ككل زي ما أتقال كتير .. وخصوصا ً بعد قضية الجاسوس محمد العطار الي كان طالب في الجامعة برضه .. على فكرة الأتنين أتفصلو من الجامعة قبل بداية قضية حد فيهم.

أخر حاجه .. عقوبة الأربع سنين سجن و لو أنها ممكن تبان على أنها رحيمه بحال الأخ عبد الكريم شوية بالنسبة للكلام الي بيقوله ده - و باعتباري أنه مريض في الأساس - فمن ناحية تانية أنا شايف أن مش ده الحل .. طيب ما بعد ما يعدو الـ 4 سنين هيحصل أيه ؟؟ .. أصلا ً رفع الأزهر القضيه عليه كان خطوه مش صح و مش محسوبة.. و لو كانو حاولو يناقشوه و يعاملوه معامله مريض محتاج لعلاج نفسي كان الأزهر بقى في مكان أعلى بكتير من أنه يدي الأهميه الي مالهاش أساس للموضوع.

Sherif Adel said...

I think anyone can say anything on internet and speak freely .... Bas Karim 3amer 2al kalam keteer ye7arak ay 7ad 3ando goz2 men el iman law ad zaret el ramla fe albo ... ya3ny lama ashoof ara2o .. hadaye2ny ... sa3b askot odam ara2o .. a human is a mixture of feelings and come on his notes on his blog makes normal people get a stroke in a minute ... i couldnt believe my eyes that there is a person like him living between us ... el 7okm 3aleh da ba2a kolo mawdoo3 mayelzamneesh ... balad weskha 7akamet 3ala wa7ed katab kam kelma habla ... el gooz yewla3o fe ba3d :)

moneer said...

كان فخ علشان يمرروا فيه الحبس على تهمة اهانة الريس وطبعا طالما فيها ازدراء اديان يبقى مدش هيتعاطف ومحدش هياخد باله
اسلوب قذر من حكومه اقذر

عبدالله said...

ما كل البلوجرز بيشتموا في الريس و عادي و مش سايبنهم علشان حاجه اكتر مش عاوزين مشاكل ميديا او علشان تاثيرهم مش يبقي اكبر

فعلا المدافعين عن عبدالكريم ادوا النظام فرصه ذهبيه انه يظهر قدام الشعب انه بيحافظ علي الاسلام بجد انتوا بتفكروا ازاي

في الاول و الاخر من حق اي حد يعتقد الي عاوزه بس بشرط لا يسفه من اراءي و يحترم مقدساتي

هل عندما ينتفض المسلمين ضد الاساءه لنبيهم من الدينمارك يعتبر هذا مضاد للحريه الشخصيه
هل عندما يسن تشريع اوربي ضد اي تشكيك في الهولوكست و سجن من يحاول من الناحيه التاريخيه اثبات العكس يعتبر حريه راي

الحريه هي الا تعتدي علي مقدسات الاخرين
واخيرا تحيه لوالد عبدالكريم علي موقفه الواضح فقد غلب حبه لربه علي حبه لابنه و قالها واضحه لولا منظمات حقوق البتناج دي كان الواد فاق من زمان وحس انه فعلا بيفكر غلط

تحياتي

Anonymous said...

يمكن عبد الكريم .. و وجهة نظرة غلط
لكن مش دة العقاب
مش سجن أو حتى اعتقال او الطلب بقتلة

ولو دى حرية عقيدة وهو تعداها

رفض حرية البهائيين لية
ده كمان فيها تعدى على حرية العقيدة !!!!!
تفتكر برفض الدولة للموضوع ده البهائيين هايغيروا دينهم ؟

كل حاجة فى النظام دة غلط
والحرية الموجودة مجرد هلاوس فى فم أعضاء الحزب

اروي الطويل said...

احسن يستاهل
هو حر يبقى مسلم يهودى نصرانى هو حر انما ما يغلطش فى دينى اسفه جدا دى ما اسمهاش حرية تعبير دى اسمها قلة ادب
وبعدين فيها ايه لما يشتم ما احنا كلنا بنشتم حد كان اتكلم معانا ولا قال ربع الاربعه كام
اه والله انتوا بتطلعوا من فين

Anonymous said...

meen 3omar el masry da??

okletstrythis456 said...

الناس اللي فاكره انها بتحمي الدين كده .. مين اللي هيحميه انت ولا ربنا!.. ربنا معاك يا كريم