Thursday, May 25, 2006

خطفونا من الشوارع بعد المظاهرة






محمد الشرقاوي قبل قليل من خطفة و تعذيبة على يد عصابات امن الدولة






ما أقذر عقولكم يا طغاة و ما أسفل أعمالكم كل مرة تعجزكاماتي عن وصف النذالة و الأنحطاط لهؤلاء النكرة اليوم شهدت حرب عصابات الشوارع و الأمر محير و مخيف و لكنني أعرف من أين أبدأ فبعد المظاهرة في ذكري الأربعاء الأسود ووقفة القضاة و بعد الانتهاء كانت عصابات أمن الدولة بالملابس المدنية تتربص للمتظاهرين
سمحوا لنا بالخروج من الحصار الامني و كنا في طريقنا ألى مالك حيث انه قد خرج من القسم و عاد لمنزله و اردنا الأطمئان عليه و لكن عند خروجنا حذرنا مصور الجزيرة بان لا نسير وحدنا حيث أنه رأي شابا علي بعد أمتار و هم يفتكون به كان هذا الشاب من بعد وصف المصور هو محمد الشرقاوي الذي خرج لتوة من المعتقل ففي الأزقة كان بلطجيه النظام من امن الدولة بالملابس المدنية ينتظرون المتظاهرين و عندما خرج محمد الشرقاوي هتف أحدهم "هاتوا لي الواد دة" و ما كان ألا ان خرج أكثر من عشرة رجال من سيارة ميكروباص يعدون خلفه و يحاصرونه في أحدي العمارات و يوسعونه ضربا و لكما حتي أن مراسلة البي بي سي قد رأتهم و هالها المشهد فدخلت في احدي المحلات المجاورة للعمارة
كان المشهد مخيف و راينا بالفعل تلك العصابات تقف بمكان غير بعيد عنا يرمقوننا و ينتظرون ضحيتهم التالية على ما يبدو مما جعلنا ننتوجة لنادي القضاة لأختباء و بالفعل قام أحد القضاة الشرفاء المستشار البارودي بحمايتنا و قال لنا اننا الأن في حماية القضاة و لن يمسنا احد بسوء و ظللنا بالداخل ننتظر و كنت أراقب الشارع انا ووائل عباس و شاهدنا أحد البلطجية الأرهابيين يعدو خلف أحد الأشخاص لم نتبين من و يدخل خلفة احدي العمارات المجاورة .
بعد قليل جاءنا خبر أن دينا سمك مراسلة البي بي سي قد تم الأعتداء عليها و محاولة خطفها من سياراتها و علي بعد راينا الشارع مغلق بالفعل فتحركنا جماعة نحو المكان الذي تقف به دينا لنجد زجاج السيارة مهشم تماما و دينا و هي حامل منهارة تماما كانت دينا عائدة بع المظاهرة و معها في سيارتها أثنين من الناشطين هم كريم الشاعر و أحمد صلاح و قد كان قد أفرج عنهما منذ وقت قصير و عند خروجها من الجراج تبعها الكلاب في سيارتي اجرة و كسروا عليها و كل دة في وضح النهار و في وسط البلد شارع عبد اخالق ثروت و أضطررت دينا للوقوف بسيارتها
و نزل من السيارات الاجرة عصابات المافيا من أمن الدولة ارادوا اخراجها من السيارة بالقوة و لكنها قاومت فمسكوا بظلط و طوب و هشموا زجاج السيارة و خطفوا كريم الشاعر من السيارة كانوا يجذبونة بعنف كما قالت دينا و كانت بجوارة أحدى الناشطات التي جذبوها لاخراجها ثم أخراج كريم
لا ادري كيف يمكن وصف هذا اه يا مصر لقد اصبحوا يخطفون ولادك في وضح النهار من الشوارع لم نعد نامن على حياتنا و أرواحنا الكل مباح لهؤلاء لا يردعهم احد او شيء حيوانات تامرها أسيادها فتتحرك و تفتك و تسحل كان اليوم ذكرى الأربعاء الأسود 25 مايو 2005 و قد حضر كل ضحايا الأرهاب في ذلك اليوم حضرت نوال علي و عبير العسكري و هتفنا بقوة "يسقط يسقط حسني مبارك" و هتفنا بأسماء المعتقلين رشا و ندي و اسماء و كمال خليل و مر القضاة من أمامنا في تحية خاصة لنا و كان مكي يرفع يدية بعلامة النصر لنا و معة بقية القضاة و نحن معك و بكم يا قضاة انتم املنا و امل مصر في ان تصبح نظيفة ووقفتنا معكم لن تنتهي حتى نحقق هدفنا ان ننتهي دونة

17 comments:

ROMANTIC ROSE said...

كنتي مفاجأتي الوحيده بعد برنامج تحت المجهر علي الجزيره .. انا من وقت ما عرفتك ف الحقيقه و انا بحترمك .. من وقت ما كنتي بتربطي البندانه الامريكي ف رجليكي علشان تدوسي عليها بالكوتشي و طول مانت ماشيه .. و زاد احترامي ليكي أكتر و أكتر بجد لما عرفت انك "مدونة" و من اسرتنا الجميله النظيفه .. بحبك قوي يا شاهي .. أقول يا دكتور ولا لسه ما اخدتيش الدكتوراه ؟؟

wa7da masrya said...

شكرا يا رومنتك ربنا يخليكي على كلامك الرقيق ده
واضح انك تعرفيني كويس من أيام الكلية

ROMANTIC ROSE said...

شاااااااااطره .. افضلي قربي بقي شوية بشوية لحد ما هتعرفيني أكتر .. انا أصغر منك يجي ب 3 أو 4 دُفع و لكني أشاطرك الان سالف احزانك مع د/ ياسر في الماجستير ..

ما قلتيليش .. ابتديتي الدكتوراه ولا لسه ؟؟ علي كلا هعرف يوم السبت .. تحياتي ..

Darweshe said...

ربنا يفك اسر باقى المناضلين
وبالاخص كريم والشرقاوى اللى اتخطفوانهاردة
انتى نورتى قناة الجزيرة يا مصرية فى
الحلقة الخاصة عنالمدونون
المعارضة بصوت جديد
فرصة سعيدة
شرفت بتصفحى مدونتك والتى اكتب بها لأول مرة
تحياتى الخالصة

SOLITUDE® said...

ربنا يفك أسر كل المعتقلين!!

ويوفقنا في مشوارنا ضد الظلم
انتي كنتي منورة الجزيرة النهاردة انتي وبقية الشلة..مالك وعمرو و وائل
بجد كنتو رائعين جدا واثبتوا للعالم كله إن مصر لسة بخير وفيها شباب جدعان
مش هقول أكتر من كده :)

Anonymous said...

الموقف اللى يتحكيه ده فكرنى بالقصيد الجمبلة اللى كاتبها أحمد فؤاد نجم وغناها الراحل الشيخ إمام وعنوانها كلمتين (إلى مصر) وبتقول كلماتها:
كلمتين يا مصر يبقوا
هما أخر كلمتين
حد ضامن يمشي آمن
أو مِـآمن يمشي فين
أدي كلمة من عذابي قلتهالك
باقي كلمة
من حنيني صنتهالك
في الضلوع من دنيا ظلمة
كنت خايف يلمحوها
يقتلوها في سكة ظلمة


هو ده بالضبط اللى بيحصل لشباب مصر المخلصين الللى خرجوا يعلنوا كلمة حق فى وجه سلطان جائر ظالم
حسبنا الله وونعم الوكيل

SaSo said...

مدونتك جميله باتبعها على طول من قبل مااشوفك وانتى منوره ع الجزيره

الحكائين said...

آه يا بلدي حالك فوقاني تحتاني
بنمد إيدنا بنشقى و نعرى و نعاني
لا الخير طايلنا ولا الهم سايبنا
عاشقك و دمي في نيلك و برضه جرحاني

الحكائين said...
This comment has been removed by a blog administrator.
wa7da masrya said...

شكرا على تعليقاتكم جميعا
رومنتك أنا لسة معملتش الدكتوراه

wa7da masrya said...

free Egyptian should this make a diffrent ? i don't love Mubarak and i don't want to hate anybody ,I am gainst what he is doing to us the Egyptians ,adn our belove Egypt

Egypt Camira said...

رمز جديد للصحافة الحرة الشجاعة
ربنا مع الجميع

فتحي إسماعيل said...

fat7y: قلبي عليكي يامصر

3arousa 7alawa said...

قلبي وعقلي وآدميتي وجعوني....
عندي إحساس قوي جداً رغم الأسى إن طاقة نور بتتفتح وإن دي من أواخر الأحزان....
نفسي في بكره أحلى قبل ما نعجز يا شباب...
موتوا ياللي رسمتوا حاضرنا الأسود.. موتوا بغيظكم وقسوتكم...
موتوا يا صراصير البالوعات
يا عفن الخبز المختوم بعلامة القمح الأمريكي

موتوا بقى

الكاتب said...

تحيّة من تونس ..اليكِ والى كلّ المدوّنين والمدوّنات الأبطال من شباب مصر الحبيبة...


نحن الشباب المناضل في تونس فخورون بكم كثيرًا..ونتابع أخباركم اوّلاً بأوّل...


قلوبنا معكم..فكّ الله اسر المناضلين والمناضلات..فكّ أسرنا جميعًا من قبضة هذه الأنظمة العميلة المتخلّفة

Tarek said...

خلي الريح تعصف ، إحنا قدها..
ولا بنخاف ولا بنطاطي ولا بنحب الصوت الواطي..

ROMANTIC ROSE said...

فين الجديد يا شاهي ؟؟ فين تعليقك علي احداث المنع اللي حصلت يوم الخميس اللي فات قصاد قسم قصر النيل .. انا مش لاقيه تغطيه عند حد ولا حتي ف الوعي المصري .. افيدينا لو تقدري !