Thursday, June 28, 2007

هي بلكونات لندن مالها؟

و فاة أشرف مروان بعد سقوطه من شرفة منزله في لندن و ده تاني واحد يموت لنا من بلكونة في لندن بعد سعاد حسني الله يرحمها و كان في شهر يونيو برضة
هي البلكونات في لندن مالها؟ من غير سور ولا إيه؟
الخبر بالتفصيل هنا و معه بعض الحديث عن دور أشرف مروان حول الشكوك في كونه كان عميل مزدوج للموساد

14 comments:

Alaa said...

الظاهر ان عدوى غش المقاولين في خرسانة البنايات اتنقلت لهناك
احنا بنصدر حضارة مش أي حاجة
:)

Anonymous said...

Actually the third time. The first was Lt Gen. Elleithy Nassef, the late head of the National Guard and the most influential figure during Sadat's "Corrective Revolution" in 1971.

Anonymous said...

انا لم اكن اشك فى ان وفاة سعاد حسنى ورائها شبهه جنائيه يعنى كنت باقول انها اكيد كانت حالة انتحار
لكن بصراحه وفاة اشرف مروان تثير الشك
يعنى البلكونات فى لندن شكلها هتبقى زى البلاعات عندنا ولا ايه!

mo'men mohamed said...

والله فعلا شىء محير
طب دلوقتى المشكلة ممكن متكونش فى البلكونات
ممكن تكون فى الوقفين فيها
او ممكن تكون فى اللى بيرموا منها
السلام عليكم

bluestone said...

هو مش تاني واحد .. تقريبا ده رابع مصري "مهم" يتكل في لندن .. بيتشيع في السريع من بره بره ..
وتقريبا تالت واحد تغدر بيه "البلكونة" ..
يعني الست سعاد اتزحلقت من فوق الكرسي .. واشرف مروان الهوا رماه .. :)

صحيح بلكونات غدارة

bluestone said...

نسيت أقول اللي سبقوه .. طبعا الفريق الليثي ناصف وده زي سعاد حسني من الدور الخامس واللواء علي شفيق صفوت مدير مكتب عبد الحكيم عامر وده لقوه ميت في شقته

ربيع said...

لا النكتة ان ميلودي بتاعت ابن جمال ، عامله حداد و بتذيع قرآن

حسن ارابيسك said...

يا بلكوناتك يا لندن

بلوكونة لندن بلكونة
فيها عفريت جن ومسكونة
صهيونية باسنان مسنونة
تهرس ده تعمله تونة
وتعصر ده كمااللمونة
وف مصفة كره يحطونا
وبإيدالغدر يعصرونا
وكما السجاجيد يلمونا
على بلكوناتك يالندن ينفضونا
وعلى حدود بلدنا يِفضونا
وإن كان علينا نلطم
ونقول ياناس الحقونا


أتمنى تشريفك لي في مدونتي

هاتنور بزيارتك ليها

دعوة لزيارة مدونة شاعر مغترب تجربته تستحق الزيارة

http://mosaiiic.blogspot.com/

Anonymous said...

هذه هي أول زيارة لي لمدونتك الجميلة. وأردت تسجيل تحياتي بعد القيام بجولة سريعة في أرجائها.

Anonymous said...

see:
www.arabtimes.com

Anonymous said...

مش إنتي بتقولي يسقط حسني مبارك , لكن محلتيهاش ... هيسقط من فين بالضبط
و أدي الحل جالك ... نودية لندن و هناك يجي الفرج

تحياتي

Layla said...

دة تالت واحد يقع من بلكونة في لندن

قبله وقع ناصف الليثي قائد الحرس الجمهوري

والغريب ان الاتنين اشرف مروان و الليثي هما اللي خططوا لثورة التصحيح...اليثي قبض على مراكز القوى واشرف مروان طلع الشرائط والملفات اللي بتدينهم من خزانة عبدالناصر

تنبيه لكل المصريين المقيمين في لندن وضواحيها انهم يقفلوا بلكوناتهم بقبنوري عشان محدش يقع تاني

احنا مش بتوع بلكونات والدلع دة...كفاية اللي ماتوا لحد كدة

Anonymous said...

Apparently the Egyptian inelegance officer in London lakes creativity. Like there are shit load of ways to die.. But ah what would you say.. "That is Egypt.. Abla"

شركة نقل عفش بالرياض said...

شركة نقل عفش بالرياض