Wednesday, August 02, 2006

لا شك أننا قطعان من البقر


إننا قطعان من الأبقار لا شك أننا بقر أقصد شعبنا شعب مصر, أراه قطيع من الأبقار كبير و قبل إتهامي بالغلط في حق شعب مصر او ربما في حق البقر تعالوا أثبت لكم ان شعب مصر من البقر فالتشابه بينه و بين البقر مثير و ينطبق في كثير من صفات ذلك الحيوان فهو مندفع همجي طيب القلب أحيانا و نرى لعابة يسيل كثيرا يستسلم في كل مرة ليذبحة جلادة و يسلخة و يعلقة على الباب ذبائح متراصة متشابهة .
كل الشواهد تؤكد لي مما لا يدع مجال للشك ان البقر كان و لا يزال هو التطور الطبيعي للأنسان المصري و ربما وجب على العلماء ان يعديوا كتابة نظرية تطور خاصة بنا .
ياكل المصريون كالبقر حتى كادوا يحملون هيئته و مشيته و يقودون السيارات كالبقر يدهسون و يدوسون كل من يعترض طريقهم و لا يحترمون أي قواعد أو حقوق يتدافعون و يتقاتلون حتى يقضون ما يريد دون مراعاة شيء إن كان في طابور جمعية أو مصلحة حكومية ,يتعاشرون كالبقر و يتعبدون كالبقر فلا مكان للعقل في شيء ,يورثون أولادهم عادات و تقاليد البقر و يخافون من سوط جلادوهم يرهبونهم و يسوقوهم في قطيع كبير تعدادة سبعون مليون إلا قليلون .
تقول قوانين الطبيعة ان الأبقار تفترسها الأسود و الذئاب و الحيوانات المفترسة و لن يطول الوقت حتى تأكلنا الذئاب و تنهشنا كما تنهش جسد لبنان الأن و نحن لا نزال نتفرج
أتراني ظلمت البقر؟

12 comments:

Free Egyptian Guy said...

أرى أن تغيرى إسم المدونة لواحدة بقرة

لطفى said...

طبعا ظلمتى البقر جدا جدا واعتقد ان البقر سوف يحتج بشدة
نحن شعب فقد الحس والاحساس بعد ان مات ضميرة

Winston Smith said...

عشان إيه كل ده؟ طيب اكتبي تحديدا ايه اللي مش عاجبك واعرضي وجهة نظرك بدلا من هذا السخط والغضب المتشظي

Zeryab said...

بقر بقر بس اعيش يا سعادة البيه
:))

salateenoo said...

انا متفهم غضبك وحنقك جدا...لكن لي تحفظ على تشبيه الإنسان بالحيوان مهما كان ...نحن بشر ولسنا بقر ..ولكننا فقدنا الكثير من الصفات البشرية ...مثل الكرامة والشجاعه والنخوة ...ولكننا أخيرا أيضا بشر خلقنا الله في أحسن تصوير

bluestone said...

المسألة مش مسألة انه من غير المناسب تشبيه المصريين بالحيوانات او انه اهانة للمصريين ,... بس هي فعلا كلامها مظبوط جدا

ردود افعالنا كمصريين بقت مستفزة جدا .. مابقيناش بنحس خالص .. مالناش أي رد فعل حتى تجاه كل ما يمس لقمة عيشنا ..
يعني أثناء الحراك السياسي في البلد في الكام شهر اللي فاتوا .. الناس العادية وهم السواد الاعظم في البلد محدش فيهم عمل أي حاجة .. المسألة كلها كانت كام واحد من الناشطين المعروفين وشوية شباب متحمس ودمتم أما الناس العادية محدش اتحرك

ساعتها قلنا معلش .. برضه احنا كشعب معندناش وعي سياسي كفاية والمسألة معقدة ولا تمس حياة الناس
وبعدين لما اندلعت الحرب على لبنان واسرائيل (العدو التقليدي ل99,9 في المئة من المصريين ) دكت البلد كلها وشاهدنا صور الاطفال القتلى في كل مكان على شاشات التلفزيونات ..
برضه محدش اتحرك خااااااالص

قلنا معلش الناس ملهية في لقمة عيشها ولكن اللي هيقرب من لقمة العيش دي هيولعوا فيه .. وهتقوم ثورة جياع في مصر

طيب لما البنزين غلي وهذا لا يخص اصحاب السيارات فقط ولكن يمس كل حاجة .. زيادة اسعار البنزين هتسري بزيادة في الاسعار بشكل عام وكل حاجة ..

والزيادة دي حصلت كده في غفلة من الزمن في الخباثة زي ما بيقولوا .. انا ساعتها قلت البلد هتولع نار ..

لكن مفيش حاجة حصلت .. الناس عاااااادي جدا بتشتري وبتبيع ومفيش مشاكل ؟؟؟؟؟

لما المشكلة دي (رفع أسعار الوقود) حصلت في مالي ونيجيريا البلد قامت مرة واحدة وحصل شلل في كل المرافق الرئيسية حتى تراجعت الحكومات عن قرارها برفع الاسعار ..
واحنا هنا .. وكأن على رؤوسنا الطير ..

احنا فعلا اصبحنا قطيع ودي مش شتيمة ابدا ده وصف منطقي جدا لما يحدث .. حاجة فعلا تجيب احباط ..

لما حتى لقمة العيش مش هتحركنا .. ايه اللي هيحركنا بس ؟؟؟؟

me said...

لاحول الله ....هي البت دي بتروح فين بس ..انا لسه داخله اليوم ولقيتها كتبت حاجة من يومين كده ...يعني رجعت وكتبت ودلوقتي اختفت تاني ..هوه انا موش ح الحقك ابدا يا بنتي...اخبار المظاهرات ايه اليومين دول ..طب ماتحاولو تفجرو السفارة الاسرائيلية ...( فكرة شريرة هوهاااااا ..هوهااااا ) يعني انا بحب اخلص من الاخر كده .. ماعلينا ..خليكي عالخط ..وبلاش تفلفصي كتشير اوي كده ..يله سلامو عليكو ورحمتو الله وبركاتوه ..

lastknight said...

أتفق مع bluestone
هناك نظريه فى الأقتصاد السياسى .. و لها علاقه بالموروث المتراكم للشعوب فيما يسمى بالضمير الجمعى .. فعلا هناك شعوب تتحرك كالقطعان .. لكن أغلب هذه الشعوب يظهر فيها بين الحين و الآخر أنفصاليون عن طبيعة القطيع .. يغامرون و يتحملون نتائج مغامرتهم .. و يغيرون .. لكن فى مصر .. فعلا لنعترف .. نحن قطيع لا يشذ عنه فرد حتى فى السلوك واضح الخطأ .. نعم .. أتفق معك .. و لتغيير هذه الطبيعه .. سيستغرق الأمر أجيالا و أجيالا من الواعين و المغامرين ..
قد أعود لنظرية الراحل العظيم جمال حمدان .. الذى عزى مركزية الحكم فى مصر و استمرار نسق الحياه فى خنوع دون أدنى تغيير لوقوع مصر منذ آلاف السنين تحت ضغط طغيان النهر .. نهر النيل .. الذى كان يفيض فيغرق أو يجف فيفقر .. و أضطر المصريون لاتباع سياسة الدوله المركزه كالعميان لتنظم الرى و الزراع و السكن .. اتقاءا لغضبات النهر .. لكن .. طغيان النهر انتهى ببناء السد العالى .. ماذا يعيق المصريون حتى الآن عن الخروج على الذل الموروث ؟؟ حقا .. لا أفهم

الغـــــــــــــريب said...

لا طبعا أحنا مش بقر
بعد دراسه مستفيضه لتطور الأنسان المصرى و بعد تنقيح وبحث نظرية داروين
عن النشؤ وأصل الأنسان توصلت للأتى
أن الأنسان المصرى أصله معـزه
أيوه معـزه
هو فى ناس تنضرب على خد تروح مدوره الخد التانى زينا وتلاقينا دايما بنجرى و ورانا كلاب بتجرى ورانا بترهبنا
وكمان أى خروف ممكن يحكمنا
وأى دولة تانيه لمواطنيها مكانه فيماعدا نحن المعيز
لذلك أطالبك بعمل جمعية لحفظ حقوق المعيز وياريت قبل أى معزه ماتنتقد كلامى تفكر شويه فى اللى بيحصل وموقفنا من القضايا المطروحه
ودورنا أو مشاركتنا فى أى حدث داخلى أو خارجى وبعدين فى حد بيشجب ويستنكر طول الوقت غير المعيز
أرجوك تنشرى أبحاثى حول أصل الأنسان
وكمان فلسفتى أنا معزه أذن أنا موجود

wafia said...

انتي فعلا بقرة كبيــــــــــــــــرة و ملكيش لازمة
يابقرة هانم اتكلمي على نفسك بس
اتفوووووووووووواااااا على كل اللي وافقوكي لانهم بقر

life said...

ليه يا ( بني آدمين ) بنتمسك أوي بالشوفينية ؟
يعني لما كاتبة الموضوع قالت إننا شعب من البقر ..استثنت نفسها ؟!
أنا شايف إن المقال حيادي تمامًا ، بس إحنا رهيفين شويتين فمبنحبش نواجه نفسنا !

skunkythemonkey said...

احنا داموس فعلا