Tuesday, August 09, 2005

لا تقرأ - من اجل مصر


وصلتني هذة الدعوة من شاب مصري تعالوا يا مصريين ننضم و نقاطع التضليل و التزوير لمدة أسبوع و هذا بيان الحملة إنشروها قدر ما إستطعتم "لا تقرأ من أجل مصر":

كنا نعتقد انه بتغيير رؤساء مجلس ادارات ورؤساء تحرير الصحف القومية سوف ينصلح الحال قليلا ولكننا فوجئنا بأن من اتوا اسخم وادل من اللي راحوا (الا قليلا) عشان كده انا بادعوا اصدقائي وزملائي في الكفاح الوطني ان ينضموا الي في هذه الحملة الوطنية لمقاطعة الصحف القومية من اجل مصر واري ان تستمر هذه المقاطعة لفترة اسبوع كامل تبدأ من 1/9/2005 وحتي 7/9/2005 وبهذا نرد عمليا علي رؤساء مجالس الادارات ورؤساء التحرير الجدد ونقول لهم بصوت عالي ان هذه ما تفعلوه لا تخدمون به مصر بل تخدمون به اسيادكم وبالطبع من قبل ومن بعد انفسكم
اذا لنبدأ مقاطعة الصحف القومية (الاهـــرام - الاخـبــار - الجمهورية - روزاليوسف) وكل مطبوعاتها في الفترة من 1/9/2005 وحتي 7/9/2005 ولتكن تحت عنوان (لا تقرأ - من اجل مصر)0
علي ان تشمل هذه الحملة المواقع الالكترونية ايضا لهذه الصحف
اخواني شاركوني في هذه الحملة فقط من اجل مصر
شاب مصري


(لا تقرأ - من اجل مصر
)

11 comments:

Anonymous said...
This comment has been removed by a blog administrator.
Anonymous said...

thank u so much masrya "as u promise u did" and i wanna invite u and all your friends to sharing in that invitation(don't read - just for egypt)
masry
please visit ....
http://bokra-a7la.blogspot.com/

TawTaw said...

فكرة أكثر من ممتازة ، لكن أعتقد أنه هيكون أسهل إقناع الناس بفكرة المقاطعة فى أسبوع غير أسبوع الانتخابات. مش أفضل لو يكون بدرى شويه عن المعاد ده على أساس أن كده كده توزيع الصحف هيكون عالى فى فترة الأنتخابات وبالتالى مش هيبان تأثير المقاطعه؟

Anonymous said...

أنا عاجبنى الاقتراح خاصة اني لسه كاتبة عن فقعة المرارة اللي بتعملها الأهرام اليومين دول

بس أنا برده مع
tawtaw
في أسبوع الانتخابات هيبقى مهم أوي لينا اننا نتابع الصحف القومية و نشوف بتعمل ايه و بتزيف وعي الناس ازاي و هنحتاج نعلق على الكلام ده عشان كده ياريت أسبوع تاني غير أسبوع الانتخابات

Anonymous said...

يمكن يكون عندك حق يا "تاوتاو" انت و"مريم" لكن انا اتعمدت ان تكون الدعوة للمقاطعة في هذه الفترة لعدة اسباب
اولها : انه لا بد ان يكون لأي دعوة للمقاطعة محددة بفترة معينة ان يكون هذا قبلها بفترة مناسبة حتي تحوز علي اكبر حيز من المشاركة وبذلك يتحقق الهدف الذي بنيت من اجله
ثانيها : ايوة يمكن هذه الدعوة بالذات من الصعب تحقيقها للهدف الذي بنيت من اجله الا اذا
حالفنا التوفيق في توصيلها الي كل فئات المجتمع وخصوصا الفئة المثقفة
ثالثها : ان باختيارنا لهذا التوقيت الصعب "من وجهة نظريكما"لتنفيذ هذه الدعوة سوف يبين بشكل ما مدي قوة تأثيرنا في المجتمع المصري بمعني ادق من الممكن ان تعتبر ان هذه الدعوة ما هي الا بالونة اختبار لحجم قوتنا كشباب ينادي بالتغيير من اجل مصر
رابعها : انا عن نفسي اعتبر هذه الدعوة لمقاطعة الصحف ما هي الا البداية الصحيحة لتدريب الشعب المصري علي التجمع من اجل المطـــالبة بشئ ما يعني من الاخر كــده اعتبرهـا وسيـلة لتدريب الشعـــب المصــــري علي قـول "لا"باسلوب اكثر من متحضر ومن ثم يصبح لدينا وسيلة عملية للضغط علي النظام الحاكم (اي نظام حاكم قادم مش بس النظام الحالي) وبذلك يتحقق لنا القدرة علي المدي المتوسط او حتي البعيد تحويل فكرة العصيان المدني الي حقيقة واقعة متي كنا في حاجة الي ذلك
وفي الاخر ممكن اقولك يا تاو تاو انت ومريم انه يمكن يكون عندكوا حق في مطالبتكم بأن يكون اسبوع المقاطعة في اسبوع غير اسبوع الانتخابات لأن توزيع الصحف في تلك الفترة سوف يكون اعلي من معدله الطبيعي بسبب الانتخابات وهنا ممكن اقولكم ان احنا حتي لو قدرنا اننا نخلي توزيع الصحف في نفس معدلاته نبقي نجحنا في اللي احنا عايزينه برضه

بقي ان اقول الي ابني "واحد" يا بني انا مش قصدي ان انت بس تقاطع الجرائد دي احنا محتاجين من كل فرد يقرأ هذه الدعوة ان يساعدنا في ترويجها فيما بين لاخرين حتي نستطيع القول بأننا احنا اهه هنا موجودين ومش هنسكت علي اللي بيحصل في بلدنا

Anonymous said...

Thanks for thinking in a positive practical way, Masry. Ur idea is great, but I agree completely with Marium, because it is so important for everyone to see for himself how much these newspapers will be lying and unfair during the week before the elections, so we can prove to everyone how these newspapers are so bad and unfair, once and for all. What do u think about us all boycotting those 3 newspapers if Mubarak wins the elections and everything stays the same, and as long as Mubarak stays as president? So the boycotting of those papers should begin from September 14th, if Mubarak wins and everything stays the same until Mubarak is removed from the presidency, whether that takes weeks, months, or years. And we should ask people to buy Dostoor, Nasiri, Ghad, and Masryi Ilyoum ONLY, to support them.

Anonymous said...

عفوا يا احمد مادام انت عارف ان كده كده رؤساء تحرير هذه الصحف سوف يظلون علي حالهم خلال هذه الفترة او غيرها وانك كده كده هتقرا نفاق في نفاق خصوصا في هذا الاسبوع اذا مش مهم ان احنا نقرا ولا لأ ده بالعكس انا ممكن اقولك ان احنا باللي هنعمله ده هنفوت فرصة كبيرة علي هؤلاء الافراد من ان يبينوا مدي اخلاصهم لهذا النظام لأنهم في تلك الفترة كلهم جميعا وبلا استثناء سوف يرفعوا اداء النفاق الي مستويات غير مسبوقة من قبل وبالتالي اذا نجحت حملتنا تلك فأننا سوف نصيبهم بالحسرة لتفويتنا هذه الفرصة عليهم(هذه ما ارجوه) لذا اعذروني فأنا مصمم علي ان تكون هذه الدعـوة لمقاطعة الصحف القومية في نفس الفـترة المحددة سابقا من 1 حتي 7 سبتمبر 2005 وكما قلت سابقا اعتبروها اداة لتدريب الشعب المصري علي التوحد علي شئ ما وهذه هي الغاية من مثل تلك الدعوات
ولا تقرأ من اجل مصر

Anonymous said...

بالذمة فيه حاجه اسمها لاتقرأ من اجل مصر .. طب قول قاطعوا الجرائد الفاسدة اللى بتنهب فلوسنا وتشتغل بيها لحساب الحزب الوطنى .. مش لاتقرأ من اجل مصر ..؟

Anonymous said...

أنا طبعا كنت أحب أكون أول المشاركين فى الحملة لكن للاسف أنا عامل حملة عليها من زمااااااااااااااان مش عشان هيا مش موضوعية وبس عشان هيا أصلا مش جرايد
ميغركش منظرها الخارجى اللى يحسسك إنك قدام صرح
لو عايز تعرفها إدخلها
مهياش زى الجرايد اللى إنتا عارفها .لأ دى زيها زى أى مصلحة حكومة اللى مزوغ واللى نايم واللى بيطفح ولا مؤاخذة
حاجة بالعربى كده فضيحة
الله يمسيك بالخير يا أستاذ هيكل ياللى هما دلوقتى عمالين ينهشوا فيك
وقال إيه عاطف عبيد يرد ويقول شهادة للتاريخ ردا على أكاذيب هيكل
شفتم النكتة عاطف عبيد أكبر أكذوبة عرفتها مصر يرد على قال إيه أكاذيب أكبر صحفى فى مصر
الحقيقة ميشتريش جرايد الحكومة إلا اللى معاه جنيه مش عارف يعمل بيه إيه
أحبال صوتية
متابع

Unknown said...

Interesting Read. You might have to show me how to do this blog thing.
escort bayanlar ankara services which are best to use at home or office. i will love to return here again as i get time. escort bayanlar This is first time i am here and i really like the stuff on your pages as i was wandering on internet for escort bayan These shots are amazing! You get to see what happens underwater (which like nobody ever gets to see) Awesome!!! :) escort bayan

travesti said...

thanks you very good