Friday, April 04, 2008

يا ترى يا مبارك حتكون فين يوم 6 أبريل

سؤال
يا ترى مبارك و عائلته و الحاشية حيستخبوا فين يوم الإضراب ؟
هل من إجابات

5 comments:

Anonymous said...

في شرم .... الشيخ
أو
فى خارج مصر بيعد الى جمعة

Wild at Heart said...

هايروح يحط أساس مشروع وللا يتفقد عمال مش مضربين (لو في) أو يعمل أي منظر كده عشان يبين أن البلد حالها كويسة بي احنا اللي عندنا أطماع سياسية :D

Ahmed Al-Sabbagh said...



أنا ليه هعمل الاضراب ؟؟


لما الفسـاد وقــّـفوه حـارس على وطنى
ولهيب الغلا كوانى .. وحتّ ف بدنى
لما الحرامى سرق منى اللقمة والميه
وسرق هدوءى وسكنى .. حتى من سكنى
لما الحلم حتى اتسرق .. من يومى .. من زمنى
لما النظام نسج - فى عز الشباب - كفنى
أنا قلت هعلن العصيان
فى يوم حزين مـَدنى

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما سألت عالعيش .. قالوا مفيش
وقالو العيش على الأبونية
وسألت عالزيت .. وعزّيت
لما عرفت إن الزيت بتسعة جنيه
وسألت على حديد البُــنا
قالوا الحديد .. خلاص فى كرش البيه

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما البشر والحجر
ووادى النيل ببنى أدمينــــه
لما زمان الوطن بايامة وشهورة وسنينه
لما الصغير والكبير
قالوا كفاية مش عايزينــة
كفاية علينا حكم سنين
تخرج الواحـــــد من دينـه

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما المبيد صبح سرطان
يهرى ف ارضنا .. فى الزرع .. فى مواطن
لما بؤ الميه صبح وسخ داكن
لما خرب الاقتصاد .. واحد على تلـّـــهَ
قاعد وشارب وواكل وساكن
لما الشباب بيصرخ .. فى ذل ومهانة
ولا شغل ولا توظيف ولا شقة ومساكن

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم

تحياتى
أحمد الصباغ


^ H@fSS@^ said...

شاهيناز لو سمحتي طمنينا عليكي بس تقدري
باي طريقة بس نطمن عليكي انتي و كل اللي معاكي

تحياتي القلبية

wa7da masrya said...

وصلت من شوية أنا كويسة بس غيري لسة محجوزين في الأقسام بجد بجد نظام القمع و الغرخاب ده لازم يسقط لقد تعاملوا مع الجميع بغباء ووحشية و طاردوا الجميع ربنا على الظالم لكن الإضراب نجح الحمد الله
أنا كتبت بوست جديد