Sunday, April 06, 2008

ما حدث اليوم في الإضراب















عدت منذ قليل و كان يوما عصيبا فقد طاردت عصابات الأمن جميع الناشطين و كل المصريين



الإضراب نجح بكل المقاييس فمنذ الصباح لاحظت الهدوء في جميع الشوارع فقد إلتزم المواطنين بيوتهم



توجهت لميدان التحرير لأجد ثكنات عسكرية و جحافل من الجنود ولواءات كثيرون من عصابة الداخلية



بدأت المضايقات الامنية لكل من تطأ قدمه ميدان التحريرو كانوا يطالبون الواقفين ببطاقاتهم و يضايقونهم



رأيت بنات من المدارس تركن المدرسة و حضرن للمشاركة لكن حتى دول ضايقوهم و كانت هناك ام حضرت مع أطفالها الإثنين هي غادة محمد وقفنا نتحدث



ثم ذهبت لأتفقد منطقة التحرير و كانت ملغمة بالأمن و محاطة من كل الجهات و عند عودتي وجدت الام قد إختفت و الطفلين يبكون فعلمت أن ثلاثة طالبات من الجامعة الأمريكية جئن بأرغفة من الخبز يستخدموها كوسيلة للإحتجاج و هو مالم يعجب الأمن فهجموا عليهن بشراسة فحاولت الأم الشجاعة تخليصهن إلا ان الأمن قبض على الجميع



وجدت الطفلين يقفون مع الامن فإقتربت منهما انا و أخرين من الجامعة الامريكية و ظللنا معهما و كان والدهم قد حضر و بجد لم أرى في شجاعة هذان الطفلين الذين حاول أبوهم أن يوضح لهم أن الإضراب خطأ إلا أن الطفلين كانوا في منتهى الوعي و ثبتوا على موقفهما من أن الإضراب عمل مشروع الطفلين لا يتجاوز عمرهما التاسعة



تحية لامهما غادة محمد التي لا تزال محتجزة



الامن إعتقل ما يقرب من مائتي فرد حتى الأن في مصر كلها



توجهت لنقابة المحاميين و قبل دخولي و كانت هناك وقفة بالداخل حاول بعض المواطنين الإنضمام من الخارج و بدأ الهتاف ضد مبارك من الشارع لكن قوات الامن أطلقت علينا عساكر الامن المركزي بشكل مرعب و جروا وراءنا في الشارع و هنا إستوقفني أحد الضباط البواسل و كان مصمما بكل الطرق أن ياخذ موبايلي و كاميرتي و إجتمع معة بعض العساكر ووجدت نفسي محاصرة لمدة تقترب من العشر دقائق أحاول إقناعهم بترك موبايلي و كاميراتي و أنني لم أخذ صور ولا أي حاجة حتى حضر صحفي فرنسي صديق و ظل يقنعهم انني أعمل معه و لمدة ربع ساعة تقريبا حتى إستطعت الفرار بما كان معي ووائل وضع الصور و سوف يضع الفيديو على الوعي المصري



دخلت النقابة و إشتركت في الوقفة الإحتجاجية لكن الأمن حاصر النقابة بشكل بشع



و بارغم من كل هذا كنت سعيدة أن الشارع تحرك معنا لولا إطلاق العساكر علينا و عليهم



لقد نجح الإضراب نجح نجح و المصريين عملوا خطوة كبيرة اليوم لم نكن نتوقعها و ستكون هي دي البداية
بقى أن أقول للإخوان لقد خنتم الشعب المصري بإحجامكم بجد بجد عار عليكم فانتم لا تريدون إلا مصالحكم الشخصية

16 comments:

زيزو باشا said...

تعليق بسيط بخصوص موضوع الإضراب يوم ٦ أبريل.... أول مرة طرحت الفكرة دي والمناقشات حولها كانت في مدونة وائل عباس الوعي المصري وتحديدا في بوست صور قتيل جزاري الشرطة الطفل وبدأت يوم ١٥ أغسطس من العام الماضي بفكرة بإمضاء أنا المستقبل والأمل وتوالت المناقشات في نفس البوست بعد ذلك ولازال البوست والتعليقات موجودين .... وشكرا

Amr Ahmed said...

tamaaaaaaaaaaaaam geddan

3o2bal elmara elgaya

Anonymous said...

7amdellah 3ala salmtek, we 3o2bal ma yerga3 kol el nas elly 7'adohom ..

Anonymous said...

شكرا جدا ليكى لان اولادى لما قرؤا اللى انت كتباة عن شجاعتهم فرحوا جدا ومش هتتخيلى انت ازاى ساهمتى فى رفع معنويتهم لان طبعا كانت حالتهم النفسية وحشة جدا لان اللى انتى متعرفهوش ان محمد انضرب لما حاول اللحاق بى بعد ماركبونى الميكروباص وشكرا مرة اخرى ملحوظة زوجى ليس ضد الاضراب والدليل على كده انه وافق ان انزل انا والولادالى الاضراب ولكنه زعلان من طريقة تعبير ساره برمى الخبز على الارض لانه نعمة ربنا ولا يجوز رميها ولان هذا الخبز يستشهد من اجلة العشرات فى طوابير العيش الملعونة ربنا يرحمهم وير حمنا احنا كمان من الظلم والفساد واهدار كرامتنا لمجرد اننا بنطالب بحريتنا وان احنا نعيش حياه اداميه وياريت تطمنينى على ساره وكل اللى كانوا معى غاده محمد نجيب ام الطفليين محمد ويوسف

shalaby said...

تحية اليكي وتحية الي كل الشرفاء امثالك ومبروك نجاح الاضراب وعقبال مرحلة ما بعد الاضراب وطبعا الاعلام الحكومي زي ما بيصور اننا عندنا انتخابات حرة ونزيهه واننا بلد نعيش ازهي عصور الديمقراطية كان بيصور الاضراب علي انه فاشل والشعب طبعا متعود علي كدبعم ومفيش حد بيصدق الاعلام المصري اللي فقد مصدقيته من زمان ولا اعتقد ان اي حد محترم بياخد الاخبار من الاعلام المصري وانا شخصيا لما بحب اضحك اشوف الاعلام الكداب والمنافق بتاعنا. واخيرا الف مبروك للاضراب وتحيه لكل الشرفاء امثاك وانا سمعتك امبارح علي قناة الحره

wa7da masrya said...

تأخرت في الرد عليك يا سيدتي أعذروني بجد انا كمان فرحانه جدا بمحمد و يوسف و زي ما قلتاهم لو إحنا معملناش حاجة هما حيعملوا إنشاء الله

اقدر موقف زوجك و في النهاية يا ام يوسف و محمد وجود أم زيك بيطمني ان مصر لسه بخير ألف حمد الله على السلامة و ربنا يخليكي لمحمد و يوسف و مصر كلها و تشرفت بمعرفتك جدا
شاهيناز عبد السلام

shalaby said...

بعد احداث المحلة بحلوها ومرها بالسلبيات والايجابات اللي فيها جت عندي فكرة ومش عارف بصراحة تتطبق ازي انا طبعا واحد من الناس زي غالبية الشعب المصري لا انتمي الي الحزب الوطني او الي الاخوان او الي اي حزب سياسي لان الاحزاب اللي مصر تنطبق عليها والحكومة قبلها طبعا الاية القرانية الكريمة اللي بتقول" يا أيها الذين آمنوا لم تقولون مالا تفعلون، كبر مقتا عند الله أن تقولوا مالا تفعلون" صدق الله العظيم ويا ريت وقفت عند ان ما يقولون غير ما يفعلون كمان بيعملوا العكس يعني تقدر تسميهم منافقين ببساطة او كدابين باختصار واضرب بعض الامثلة البسيطة
الشرطة في خدمة الشعب
اولوية الدولة حماية محدودي الدخل
اننا نعيش ازهي عصور الديمقراطية
اننا عندنا انتخابات
اننا عندنا احزاب
والامثلة لا تعد ولا تحصي
من هنا جت فكرة حزب المدونين لا يتبع اي فصيل سياسي حرية في التفكير والتعبير ونشوف مين اللي يقدر يحط لنا برنامج نتفق عليه ونعمل عضوية لكل مدون والنخابات لقيادات الحزب ونطرح جميع المواضيع بما يحقق مصلحة البلد

shalaby said...

حزب المدونين
تعالوا نعمل اول حزب الكتروني ونكون اول ناس في الدنيا يعملوا الحزب دة
شاهيناز يا ريت تردي علي الفكرة انا عارف انها غريبة بس مش مستحلية
شوفي الجروب بتاع اسراء ربنا يفك اسرها فيه اكثر من 67.000 عضوا
بس عايزين نفكر في الضوابط والبرنامج بتاع الحزب
شاهيناز اتمني منك الرد

غادة said...

والله العظيم انت واللى زيك بتحسسونا ان فيه امل وبطمنونا على مستقبل اولادنا انهم ممكن يعيشوا بكرامة وحرية لما يحصل دة هتبقى البداية لتحرير الاقصى الاسير shalabyفكرتك جميلة وجريئة وممكن تعمل حاجة ولوا عملتوها فدة هيكون فى حد ذاتة نجاح كبير وربنا يخليكوا لمصر لانها محتجاكوا

Mohamed Dawod said...

الأخوان فعلا كان موقفهم غريب ومفاجىء بس فى الأخر فعلا سابوا المعارضه كلها مكشوفه قدام الأمن.....هى دى بقى السياسه عندهم؟ الظاهر ان مافيش فرق بين أحمد والحاج أحمد الأتنين السياسه عندهم ليها حلين يا أما عيش ندل تموت مستور يا اما لا صوت يعلو فوق صوت الجبناء.....بس فى الأخر كان نفسى اشوف نتايج للأضراب احسن من كده

Anonymous said...

اهلا يا جماعه

انا عندي مقالتين جميله و مفيده جدا جدا و حقيقي تجمع الافكار


لاكن عشان كبير انا ضغط المقالتين .. و هي الان علي الروابط دي :

اسم المقاله الاولي : 1ـ قضية الحوار

http://www.4shared.com/file/44822506/f2cdd6c4/1__.html?dirPwdVerified=a4ede089


اسم المقاله التانيه : 2ـ ثورة ناصعة البياض


http://www.4shared.com/file/44822572/bae1841a/2-__.html?dirPwdVerified=a4ede089

اي خدمه انا موجود

hakerAlmtared@yahoo.com


بالتوفيق

Anonymous said...

أدعـــــــو الشـــــعـــب المصرى يـوم جـمـعه ا لــى العــصـيـا ن المــد نـى والـخـروج الى النـزهـه
فى الحـد ا ئـق وعـلـى أ رصـفة جـمـهـو ر يـة مـصـر العـر بيـة والـمـطـالـبه بـسـقـوط هـذ ا الـنظام الـعـسكـرى الـد كـتاتـورى الـمـفيـوى الأحـتـكـارى الـمـستـبد
وهــذ ا لـيـس فـيـهـه خـروج على الـقـانـون ولـنـرى كـيـف سـوف يـمـنـع وزيـر الـد ا خـلـيـه
والأ مـن الـمـركـزى شـعــب مـصـر ومـا ذ ا سـوف يـكـون رد الـحـزب الأحـتـكـارى الـمـفيـوى
والغـيـر وطـنـى وأعـضـائـه الـمـنـتفعـيـــن الـوصـولـين المطبلين اللـذيـن ليـس لـهـم انـتـمائـن الـى هـذا
الـبلـد العـريـق عـلـى هـــذا الــيوم الـعـظـيـم يـوم العــصـيـا ن المــــــــــــد نـــى .

شركة نقل عفش بالرياض said...

شركة نقل عفش بالرياض

شركة نقل عفش بالرياض said...

شركة نقل عفش بالرياض

اخبار سيارات said...

thank you

اخبار السيارات

اخبار سيارات said...

thank you

اخبار السيارات