Monday, March 24, 2008

ليكن يوم 6 ابريل هو انتفاضه شعبيه ضد الغلاء و الفساد




فى اجتماع تاريخى سيكون إن شاء الله نقطة تحول فى تاريخ مصر.. قررت مجموعة من أهم القوى والأحزاب السياسية إعلان يوم 6 إبريل 2008 يوم الغضب الشعبى ضد نظام مبارك، فى استجابة لمبادرة عمال المحلة الذين تحولت حركتهم من حركة مطلبية إقتصادية إلى حركة سياسية عامة. فقد أعلن عمال المحلة يوم 6 إبريل يوما للإضراب العام فى المحلة الكبرى، ليس لهم فحسب بل لكل الفئات والطبقات وبدأوا الحشد فى هذاالإتجاه، وشعارهم أصبح" التغيير السياسى" وليس مطالبة ببعض البدل وبعض الزيادة فى الأجور. الكرامة وكفاية والوسط والعمل وحركة موظفى الضرائب العقارية وحركة إداريى وعمال القطاع التعليمى ونقابة المحامين وحركة عمال المطاحن( ونحن فى انتظار رد ايجابى ان شاء الله من الاخوان المسلمين الذين كان يمثلهم فى الاجتماع السيد الكتاتنى رئيس الهيئة البرلمانية) وافقوا على التضامن مع حركة عمال المحلة، وإعتبار يوم الاحد 6 إبريل 2008 يوما للغضب الشعبى ضد النظام الجائر.وإحتجاجا على سياساته الخارجية( وفى مقدمتها موقفه من غزة والقضية الفلسطينية وتصديره للغاز الطبيعى بأرخص الأثمان لإسرائيل وتمسكه المميت بكامب ديفيد ومعاداته للمقاومة العراقية واللبنانية والأفغانية)..وسياساته الداخلية وفى مقدمتها الغلاء الفاحش الذى يكتوى به جموع المواطنين، بسبب التوحش فى الإستغلال وإنهيار القطاعات الإنتاجية، والإعتماد شبه الكلى على الإستيراد من الخارج.لذا وبناء عليه فاننا ندعوك أخى المواطن وأختى المواطنة للاستجابة لهذا النداء لتوجيه تحذير لهؤلاء المتجبرين أننا لم نعد نستطيع أن نتحمل الهوان أكثر من ذلك وأننا قد رفعنا راية المقاومة السلمية من أجل انتزاع حقوقنا المشروعة فى حياة كريمة وعلى رأسها حد أدنى من الأجور والمعاشات يواجه غول الغلاء . علينا أن نوجه رسالة فى 6 إبريل أننا أمة متحدة من أجل الخلاص . والمطلوب منك أخى المواطن شىء بسيط جدا لتحقيق هذا الهدف العظيم .الإضراب عن العمل أو الدراسة . وانتظروا خلال ساعات الاعلان عن مكان وزمان التجمعات والمظاهرات فى مختلف المدن يوم 6 إبريل.

10 comments:

محمد said...

جايز
www.worldgames1.com

nody said...

تفتكرى فيه امل بجد؟

محدود الدخل said...

ربنا يسترعلى مصر في اليوم ده
لأن لو أتنفذ بالشكل المتصور والناس بكل أطيافها تجمعت
بالكبت والقهر والغل الي جواهم
وفي الناحية التانية
قوات الظلم المركزي بغباء أفرادها وظلم قياداتها
محدش يقدر يتوقع النتائج هتكون أيه
لأن الناسلو أنتفضت مش هتكون أنتفاضة سياسية
لأ هتكون أنتفاضت ناس قرصها الفقر والجوع والهم والظلم
فربنايستر
...

عمرو عز الدين said...

مدونتي تدعم الإضراب

هذا هو شعاري و شعار زوار مدونتي

و فى أمل لو اتنفذ صح

كفاية أن محدش ينزل من بيته

و يعلق أعلام مصر فى البلكونات

لازم الحكومة تعرف أن الشعب بيصحى

و صحيان الشعب مش شىء سهل

ده مارد بيصحى

Unknown said...

طبعا مضربين
وانا مستني مواعيد المظاهرات في طنطا بالذات

Anonymous said...

انا اول وااحدة هخرج والخبر اتنشر فى كل حتة فى مصر
ومصر كلها عرفت دلوقتىى
وكلنااا هنخرج نعبر عن غضبنااا
ونقوول كفاااااية حراااااااااام
حرااام اللى بيحصل ده
بس نرجع ونقول احناا السبب
عشان مااخدناش موقف من الاول

موكاا

عصر الجنون said...

يارب يجيى بفايده

Unknown said...

Hello, wa7da masreya

ya rab el kalam dah yegy befayda...
ana mesh '7ayef men 7aga fe el denya deh ad ma 2ana '7ayef 3ala 3ala el nas ely hatro7 we bezat eza kano keter we akeed haye7sal 7aga we afesh been el zobat we el nas we el mawdo3 hayeb2a sa3ed we momken tero7 fehh nas keter 2awy...

rabena yestor we yer7amna game3en ISA

زهرة النتاوى said...

يارب الانتفاضة دي أو الاضراب يجي بفايدة

كفايانا قهر وذل كفاية استغلال لينا وللشعب المصري

أنا بأيد الاضراب ده وكلنا معاه

شركة نقل عفش بالرياض said...


شركة نقل عفش بالرياض