Monday, March 17, 2008

الضرايب مصلحتهم اولا

كنت بشتري هدية لأمي في عيد الأم و عندما هممت بالدفع تذكرت إعلانات الفواتير و الضرايب التي ملاءت بها حكومة نظيف-جمال الدنيا
و حضر في مخيلتي مشهد لممثل الإعلان و هو يطالب البائع بالفاتورة و كدت اضعف و اطالب بالفاتورة إلا ان ضميري قد إستيقظ و تراجعت عن جرم كدت أرتكبه في حق نفسي و أهل بلدي
فكيف أطالب البائع الذي يكسب بالحلال و يعمل و يجتهد كيف أطالبه بفاتورة فأساعد الحكومة و النظام على أخذ أمواله دون وجه حق في شكل ضرايب ثم تدخل أموال تلك الضرايب إلى جيوب الأغنياء و رجال الأعمال .
و بأي منطق يمكن لإنسان عنده ضمير أن يطالب الحلاق (كما جاء في أحد تلك الإعلانات) بفاتورة , هذا الحلاق الذي يكسب قوت يومه بالكاد فيأتي هؤلاء ليقاسموه في قوت يومه و يأخذون ضرايب لا يستفيد منها إلا الكبار؟
و في تلك الظروف الصعبه و أمام هذا الفساد المعلن أطالب كل من يحب مصر أن لا يطلب الفاتورة من الحلاق و لا البقال و ماسح النعال رحمة بهم في تلك الأيام السودا
يعني غلا ء و الناس مش لاقية تاكل و أول حاجة يفكر فيها نظام مبارك إنه يلم ضرايب و يأخد فلوس الغلابة
يا عيني عليكي يا بلدنا مسروق فيكي الفقير و الغني هو اللي بيسرق
و عجبي

4 comments:

Anonymous said...

فكري فيها بشكل تاني ، الفاتورة عقد بيضمنلك جودة الخدمة ، وفي نفس الوقت بيحمي حق البياع من التشكيك في ذمته ، طبعا باركبي تاكسي ، وعارفة ان اغلب مشاكل التاكسي سببها ان مفيش عداد او تعريفة ركوب ، والموضوع تقديري بحت ، نفس الحكايا مع الحلاق والسباك ، الحاجة اللي بيعملها بخمسه جنيه ممكن يعملها لجارك اللي فوق بعشرة ، وبالتالي مش هيبق فيه حاجة اسمها : عايز كام يا حاج ؟
- اللي تشوفه يا بيه
- يعني كام يا حاج ؟
- كلك نظر يا بيه
طب اتفضل يا حاج ؟
- بس دول شويه يا بيه .. انا مكنتش اعرف انك مبتشوفش
وجود الفاتورة معناه ان فيه وضوح في المعاملة والمسئالة مش تقديرية ، كمان ده يحميه من الناس اللي بتشكك في ذمته
كلمة في سرك : انا عمري ما عرفت احاسب الحلاق علي كام ، ويمكن ده السبب الاساسي في كرهي لمحلات الحلاقة
طبعا عارف ان الموضوع موصلش لماسح الجزم والقهوجية ، وعرف والله انهم غلابة ، وان الحكومة بتسرقنا كلنا ، لكن مفيش اي منطق في ان اللي بيسرق يبرر سرقته انه اتسرق ، لم نتعلم ان فيه فاتورة وضرايب ، هنتعلم المطالبة بالجدمات وجودتها اللي بندفع علها الضرايب
وبالتالي الحياة هتبق واضحة ، والحرامي هيبان
كل سنة ومامتك طيبة

wa7da masrya said...

شكرا يا هاني على التعليق و احترم وجهة نظرك

ADMIN said...

شكرا ليكى

شركة نقل عفش بالرياض said...


شركة نقل عفش بالرياض