Tuesday, November 21, 2006

احلى صورة


لم يعجبني ما ذكرته الباري ماتش عن الاقباط كانت فيه مبالغة مثل قولهم ان الاقباط محرومون من تدريس اللغة العربية وهذا غير صحيح على حد علمي و ايضا انهم محرومون من الخدمة في الجيش للتشكك في انتماؤهم وهذا غير صحيح ايضا وان ظلت حقيقة ان الاقباط مضطهدون موجودة مضطهدون مرة لانهم مصريون يعيشون نفس القهر اليومي تحت وطاة نظام ديكتاتوري فاسد ومرة اخرى لانهم اقباط والمؤسف و من الغباء الشعور بالعداء نحو الاقباط هو شيء موجود بين المصريين و هو نتيجة للجهل و الظلام الذي يغط فيه المجتمع المصري والجهل كان ولايزال دائما سببا لتعصب و بالطبع حماية الاقباط هي الورقة الرابحة لدى النظام ومفيش مانع من الاصطياد في الميه العكره و اشعال الفتن هنا ولا هناك لكسب المزيد من النقاط لدى القوى الدوليه و الغرب بس احلى صورة عجبتني في العدد هي لهذا المواطن الشرطي الذي يؤدي عملة بهمة ونشاط من اجل خدمة الوطن متمثلا في ضرب الشعب وتاديبه عشان يسمع كلام مبارك الصورة منشورةعلى صفحتين ياريت لوحد شاف صاحب الصورة يشكره علىوطنيته

16 comments:

FATMA said...

بصي كلنا في الهوى سوى مش هتفرق الديانة المهم انك مصري ابن مصري و ابن مصر الله معاه

bluestone said...

اكيد لازم يكون فيه بعض المبالغة في اي تقارير غربية بشأن الاقباط
خلي بالك انه مفيش اي جهة بتقدم اي وجهة نظر حيادية دقيقة في الامر .. التعتيم والملفات الحمراء سياسة لابد منها .. التقارير من النوع ده بتعتمد على تجميع لابرز الاحداث وتحليلها مع دراسة التيارات السياسية العامة .. طبعا اللي عايش جوة الوضع بالنسبة له مختلف لان احتكاكات الحياة اليومية مختلفة ..

والمصري مسلم ولا مسيحي مطحون لاجل لقمة العيش وتحت هراوة رجل الشرطة ,, دي مسألة معروفة طبعا

ليا تعليق بسيط وهو انه فعلا بعض المسيحيين المصريين محرومين من دخول الجيش وهما اللي بينتموا لطوائف الكاثوليك والانجيليين (دول مالهمش جيش رغم انهم مصريين ويحملوا الجنسية المصرية وعمر اغلبهم ما سافر بره محافظته) انما الارثوذكس عادي ..

بس اجمل ما في الصورة الوطنية والاخلاص والحماس اللي بيؤدي رجل الشرطة بيه مهمته :(

وجع دماغ said...

انكار مشاكل الأقباط ووضع الرؤوس فى الرمال كان البداية
كما يستمر الحال فى أنكار وجود الفتنة الطائفية والتعصب من الجانبين
القهر لا يمارس ضد الأقباط بشكل خاص
أنه قهر جماعى فى هذا العصر المبارك الميمون

Darsh-Safsata said...

بدون الحاجة إلى التأكيد على تعرض كل المصريين للاضطهاد فانه من المهم معرفة الحقائق كاملة حتى لا ندفن رءوسنا في الرمال

لم أسمع مطلقا موضوع ان الكاثوليك والانجيليين ممنوعون من دخول الجيش وأعتقد إن المعلومة غير صحيحة
تدريس اللغة العربية في مصر لا يقوم به إلا خريجي الأزهر ودار العلوم وبالرغم من أنه لا يوجد قانون يمنع دخول المسيحيين هاتان الجامعتان فإنه من غير المعتاد وجود مسيحي هناك وهو أمر يمكن بحثه إن كان تعنت من إدارة الجامعة أم عزوف المسيحيين أم مجرد أفكار خاطئة لدى البعض
كذلك فإنه في حالات نادرة يقوم بعض خريجي أداب لغة عربية بتدريس اللغة العربية وهنا قد يظهر بعض المسيحيين ولكنه غير شائع الحدوث، كما أنه لدى الكثيرين - وقد يكون عن خطأ - أن المسيحيين غير مرغوب فيهم في تدريس اللغة العربية لأن التدريس يتم في الكثير من الحالات عن طريق الآيات القرآنية

موضوع الشك في الولاء في الجيش لاينطبق على التجنيد الذي يتساوى فيه الجميع في الظلم ولكنه يظهر في الترقية إلى القيادات العليا حيث يندر وجود ضابط مسيحي في رتبة عالية مثل قادة الأفرع وأركان الحرب وما شابه وعموما فانه من المعتاد عدم استمرار المسيحيين في الخدمة العسكرية من بعد رتبة عميد (دائما لواء متقاعد) وكان ماجد جورج - وزير البيئة - هو أحد الاستثناءات النادرة في الصفوف العليا
كذلك يظهر هذا الأمر في عدم وجودهم في بعض الأسلحة التي تعتبر حساسة، وهي المخابرات والحرس الجمهوري والشرطة العسكرية
قد نجد ضابط مسيحي مر هنا أو هناك ولكنه أمر نادر الحدوث بشكل شديد الوضوح
إحدى الجهات الأمنية الأخرى هي أمن الدولة، وأعتقد أنه من مصلحة المسيحيين أنهم غير متواجدون هناك

شايفنكم said...

ستظا دائماً صورة مصر مبهمه و غامضه و مغلوطه للعالم طالما لا نتمتع بحريه حقيقه في اظهار اراءنا و حقيقتنا للدول الاخرى

raspoutine said...

احنا اللى عملنا كده فى نفسنا
ادينهم فرصه يدخلو عارفين ليه عشان محلناش مشاكلنا بينا وبين بعضنا من البدايه وسيبنا الموضوع لغايه مخرج من ادينا وبنزعل لما وكلات الانباء بتتكلم علينا وبتهيج الرأى العام الدولى علينا ولسه يا ما هانشوف والله ده احنا لسه فى البدايه وده مجرد مخطط ولسه بيبتدى ونهايته اكيد مش هتبقى ظريفه على المسلم وعلى المسيحى


ندعى ربنا انه يسترها علينا وكفيانا نشر لغسيلنا اللى مش نضيف قدام العالم

من انا said...

هى دى مصر
وهى دى الديوقراطيه
وهو ده الشعب
وربنا ياخدك ياللى فى بالى
وبرضه رغم كل ده هاصرخ ان شاء الله فى وش مبارك كفاينا بقى لحد امتى هنفضل كده مذلولين ومتهانين ومتبعتره كرامة اهلنا يا ريس ارحمنا بقى خلينا نتفس مش مكفيك العمر دا كله عايز تجيب ابنك كمان يكملها يا عم بكفياك بقى
HTTP://WHOAMIE.BLOGSPOT.COM

O2A said...

ياخوانا الادارة الحاكمة بتضطهد اى حد فى اى حتة واللى مش مصدق يشوف اللى جرى فى جامعة عين شمس على ال لينك دىhttp://www.cazanoova.blogspot.com/

IBN BAHYA - إبــن بهيـــــــــــــة said...

مين قال لحضرتك بأن الأقباط مضطهدين من أساسه ؟ ومن قال لك أنهم مضطهدين بسبب الظلام ؟ إن كان هناك اضطهاد فهو بسبب لعبة مبارك وحكومته واستخدامهم المسيحيين كلعبة ورق .. والمسلمين كذلك .. يعني بكل وضوح كده كارت الطائفية العبيط ده من اختراع الحكومه ولا لسه فيه ناس مش فاهمه اللعبه دي ؟؟؟

Anonymous said...

لألألألألألألأ اضطهاد ايه اللى انتا جاى تقول عليه والله عيب يا جماعة ومفيش اضطهاد من اساسه امريكا مساعدة الناس فى كنايسهم وتمويل وكله عال العال يبقى اضطهاد ايه بقى على الاقل ليهم اللى بيدفعلهم اما المسلمين مين اللى ..........؟؟


ملناش الا ربنا اللى احسن من الكل

مدونتك جميلة يا واحدة مصرية

وليكى عندى مفأجاة لأ مفأجتين الاولى الصورة اللى جاية دى والمفأجاة التانية مقطع فيديو ليكى على قناة الجزيرة واى خدعة بقى ههههههههه


http://img183.imageshack.us/img183/2610/vlcsnap109308ue5.png

daktara said...

متشكرين يا سيدي
بس المهم هل انت فاهم هل انت بتخدم البلد ولا بتضرها

Anonymous said...

دعوة لرد الأعتبار للشعب المصري وشهدائه في الذكرى الثلاثين لانتفاضة يناير الشعبية 1977

ADMIN said...

من غير ما حد يتهمنى بانى ضد المسيحيين اقول ان المسيحيين يبداوا وما ياتى بعد ذلك رد فعل والائمة على المسلمين وارجوا قراءة البوست الاخير على مدونتى فهوا خاص بهذا الموضوع

حائر في دنيا الله said...

ياااه شهر بحاله لم تنزل تدوينة
خير يارب

Egyptians in the UK said...

عزيزتى واحده مصرية

بعد التحيه و السلام .... انا من احد المعجبين وقراء موقعكم... و فى الحقيقة موقعكم شجعنى على ان اعمل مدونتى الخاصه ... و اكتب فيها بعض من تجاربى فى الحياه كمصرى بيحب وطنه و بيغير عليه... و يتمنى انه يبقى نجم قوق فى السما و عالى...حاليا باعيش فى انجلترا و باشتغل فى جامعة شيفلد...المهم علشان ما طولش عليكم و اعطل و قتكم...اتمنى انكم تضيفوا
اسم مدونتى الى موقعكم و انا كمان اضفت اسم مدونتكم الى موقعى.

عنوان موقعى كالآتى:

http://kalambelmasry.blogspot.com/

و اسم المدونة "حدوته مصريه على المصطبه"

مدونتى عباره عن حدوته مصريه على المصطبه ...احكيها لابن بلدى المصرى البسيط ...و هى حكايه سهله بس عويصه ...اتمنى انها تعجبكم انتم كمان
و اتمنى انى اسمع منكم قريبا

اخوكم دكتور محمد الرفاعى
انجلترا شيفلد

Dr. Ahmed Wagih said...

غريبة اوي ان واحد متعلم وبيعرف يعمل بلو ج ويعلق زي ابن بهية او شاب أسكندراني، وبعدين يجي يقول ان الأقباط مش مضطهدين. قانوناً، الأقباط مضطهدين بسبب قانون الخط الهمايوني القائم من ايام العثمانيين، عرفياً الأقباط مضطهدين لانه فيه أقسام في الكليات مثلاً قسم النساء في طب لايستطيعون التعيين فيه، وشعبياً لانه في العصر الحديث، اصبحت قطاعات كبيرة من الشعب تنظر اليهم بأعتبارهم كفار وليسوا اخوتهم في الوطن وهذا اصعب ما في الأمر. كفاية اننا نبص على مجلس الشعب من 444 عضو منتخب، 1 بس مسيحي!!! على فكرة انا مسلم ولكن انا شفت بعيني اضطهاد بيحصل ولكن كنت لسة معيد مقدرش اتدخل، لما بقيت دكتور، بقيت بحارب اي تمييز على اساس ديني بكل قوتي. عموماً في حلوللازم الشعب والحكومة ينظروا ليها قبل ما الموضوع يفلت.