هرم خوفو

 شفت ‏وثائقي عن بناء هرم خوفو بيتكلم عن موسم البناء اللي كان بيحصل وقت الفيضان عشان المية كانت بتوصل لمكان الهرم و يقدروا ينقلوا الحجارة و كمان الفلاحين  اللي كانو بيبنوا لأن مفيش زراعة لما الدلتا بتغرق فيجوا يشاركوا في بناء الهرم و ازاي كان في اهتمام بيهم و بأكلهم و كان بيتقدم لهم ٢٠٠ جرام لحمه في اليوم

يعني ما يوازي ساندوتش برجر كبير المعلومة دي وصلولها بعد ما اكتشفوا  مدينة العمال اللي كان بيعيش فيها بناة الأهرامات و بقايا هياكل الحيوانات الموجوده

‏الوثائقي  بيهدم  رواية خاطئة هي أن بناة الأهرامات كانو عبيد او بيشتغلوا بالسخره  بناة الأهرامات  كانو متطوعين و ده كان جزء من التدين و فخر أي مصري أنة يشارك في ده لأن الأهرامات كانت هي الوصل بين الإلة و فرعون

‏كمان جزء من أحجار الهرم هي حجارة كانوا بيكسروها في منطقه "طرة"  يعني تكسير الحجارة في طرة دي كانت من أيام بناء الهرم  من ٤٥٠٠ سنة قبل الميلاد و لسه المصريين بيكسروا حجارة في طرة لحد انهارده !!؟
‏الوثائقي اتكلم كمان عن ميناء في البحر الأحمر كانو بيستخدموها عشان ينقلوا النحاس المستخرج من سيناء و اللي بيصنعوا بية أدوات البناء، و اكتشفوا ورقة بردي فيها جداول شبة الأكسل موجود فيها مواعيد النقلات و تفاصيل المنقول و ملاحظات زي أن واحد راح يجيب عيش للعمال :)

اللي يخوف بقي أنة خوفو ملقوش له غير تمثال واحد صغير جدا موجود في المتحف المصري لما الكاميرة  قربت منه يطلع شبة مين بقى :) ؟

https://www.arte.tv/fr/videos/088412-000-A/les-etonnantes-techniques-des-batisseurs-de-la-pyramide-de-kheops/