Saturday, May 31, 2008

من اخر جواب وصلني من كريم عامر

write-letter-180-200-1.jpg

بعيش يومين شكلهم مش حيتكرروا بسبب إن معايا مجموعة من المعتقلين على ذمة أحداث 6 أبريلمعظمهم ناس مثقفة و عندها قضية مؤمنة بيها بجد بعضهم أفرج عنهم و الباقي منتظرين قرار الإفراج ساعات بأفكر بيني و بين نفسي يعنيكان لازم يجوا هنا عشان يحسروني على الأيام اللي قعدوها معايا لما يمشوا للمرة الأولى من ساعة ما غتحبست ألاقي في السجن ناس قريبن مني فكريا على الأقل إحتمال يفرج عنهم الأيام الجاية و هابقى انا لوحدي كما كنت في الاول.
أنا نفسي أخرج ....كل ما اشوف الناس بتروح بقول إمتى حيجي اليوم اللي أروح فيه زيهم أنا عملت إيه عشان أتحبس المدة الطويلة اوي اويأنا عمري ما حسيت في يوم من الأيام اللي قضتها في السجن إني إرتكبت جريمة أستاهل عليها إني أتسجن معنى كده ان الغرض من عقابي ما بقاش له معنى لأن السجن ما قدرش يغير فيا أي حاجة و لا عمرة حيغير
أنا عندي هنا جوابات كتيرة وصلوا 2300 جواب أنا بفرح أوي لما توصلني جوابات بأبقى حاسس إن لسه فيه حد فاكرني لاني احيانا في ناس هنا لما يحبوا يضيقوني يقولوا لي خلاص ما حدش فاكرك و لا فاكر قضيتك دي كانت وقت و إنتهى و الدنيا نسيتك ساعات الكلام ده بيضيقني بس لما أبص على الجوابات ت الكتير أوي اللي ملياه الاوضة بسخر بيني و بين نفسي من الكلام ده لأن الدليل الحي قداميموجود م مشاركني جزء من الأوضة اللي انا عايش فيهانفس يجي يوم الاقي نفسي خارج الشرنقة اللي أنا محبوس فيها دي كريم عامرعنوان كريم أهه إكتبوا له:سجن برج العرب الإحتياطي عنبر 22 غرفة 1 الإسكندرية

4 comments:

Anonymous said...

خليك هناك خليك وبلاش تفارق
السجن للرجالة ياراجل

Anonymous said...

قطب حسنين

كنت مع كريم فى السجن
على خلفية احداث 6 ابريل
اد ايه هو انسان طيب وراجل جدا وهو الوحيد الذى ساندنا اثناء اضربنا عن الطعام قبل الخروج على الرغم من انه عارف خطورة ده عليه خصوصا واننا كده كده هنطلع وهيبقا هو الا انه كان مناضل بكل ما تحمله الكلمة من معانى
فارجوكم تضامنو مع كريم وارسلوله جوابات
وابعتوه على العنوان ده
عيد الكريم نبيل سليمان
سجن برج العرب عنبر 22 غرفة 1
وعلى فكرة انا رواحتله بعد ما خرجت وانشاء الله هنروحله تانى فاى حد عاوز يزوروه يبعتلى على الايميل بتاعى
faris.guveara@yahoo.com

اخبار سيارات said...

thank you

اخبار السيارات

اخبار سيارات said...

thank you

اخبار السيارات