Sunday, September 30, 2007

قضية رأي عام

قررت ان أقاطع مسلسل "قضية رأي عام" و أدعوكم معي لمقاطعته هذا المسلسل الذي إستفز مشاعري من كثرة الغزل الصريح للنظام الحاكم و رجال أمن الدولة و رأيت ان هذا العمل الإعلامي الذي يشاهده ملايين المصريين يقوم بعملية غسيل مخ للجميع و يحاول تضليل المشاهد كالعادة فبخلاف أن ضباط أمن الدولة في المسلسل مؤدبين و محترمين و بخلاف أن إبن الوزير في المسلسل قد تم حبسة و التحقيق معه و هي طبعا شطحة كبيرة أوي لان لو كان إبن صول لم يكن ليحدث معه ذلك في بلدنا مصر البوليسية فما زاد الطين بله و القشة التي قسمت ظهر البعير كانت في مسلسل اليوم الذي شرح فيه محامي المتهمين لكلا المتهمين خطة يوقعون فيها بضباط القسم و يفتروا عليهم و يتهموهم بانهم قاموا بتعذيبهم و في مشهد يغيظ انا متأكده ان اللي كتبه ليس المؤلف لكن ضابط من أمن ادولة حيث شرح بالتفصيل أن يستخدم كل منهم عشرة قروش فضة مشرشرة على حد تعبيرة و يقوم كل واحد بعمل خطوط على جسد الأخر فتظهر علامات مماثلة لعلامات التعذيب ثم يدعون أن العميد مش عارفة مين من المباحث هو الذي عذبهم بالكرباج و الخرازانة و يبدو انه بعد فضح ضباط الشرطة أكثر من مرة في جرائم تعذيب تلجأ الداخلية و أمن الدولة و النظام الغاشم لعمليات غسيل مخ و قلب للحقائق عن طريق الإعلام بما فيها المسلسلات أعتقد ان تجميل وجه النظام القبيح هو خطأ و جريمة لكل من يقوم بها سواء أن كان قلما أو كاميرا أو ممثلين

12 comments:

Lasto-adri *Blue* said...

انا كمان حسيت بنفس نوع الاستفزاز..... المسلسل اساسا فاشل... لا تمثيل ولا اخراج ولا حتى كتابة سيناريو
واللى زاد وغطى حوارات البوليس دى
:S
مش فاهمة هى دولة تركمستان البلد عزلت مصر امتى؟

Anonymous said...

مش بس قضيه رأي عام .. الافكار اللي بتقدمها المسلسلات السنه دي كأن اللي كابتها ظابط امن دولة من اول مظاهرات الطلبه اللي بتكسر في حجات الناس بدون سبب والظابط الشهم الجدع الخجول المحترم ..الخ الخ الخ في مسلسل حمادة عزو الي الظابط السوبر الفظيع اللي يا عيني يا ننوس عين اهله راح في داهيه بسبب تلفيق قضيه ليه مع انه طول الحلقات شغال الله ينور ولا المحقق كونان في مسلسل الفريسة والصياد واخيرا الظابط اللذيذ اللي حيبوس رجل المتهمين عاشن يعترفوا في مسلسل قضية رأي عام ... من الاخر دي الاراء اللي المطلوب تتمرر لدماغ الناس اللي بالتأكيد نسبه كبيرة منهم بتتفرج ولو علي مسلسل واحد...

Anonymous said...

عايزين تضحكوا بجد, امبارح كان في حلقة من مسلسل اسمه عفريت القرش و الضابط امن الدولة , مراته بتزعقله عشان بيقرا رباعيات صلاح جاهين, لا و ايه بيعلم بنته في المسلسل ازاي تستطعم أشعار صلاح جاهين

بكره يطلعوهم مغنيين في كورال الأوبرا

Anonymous said...

ما يؤكد وجود تعليمات بضرورة تحسين وجه الداخلية هو تكرار ظاهرة (الضباط الملايكة) في أكثر من مسلسل و المسلسلات هي

الفريسةوالصياد
عفريت القرش
قضية رأي عام
حمادة عزو

Unknown said...

أنا معاكي في ان المسلسل يبالغ و يغالي في تحسين و تلميع صورة النظام الأمني من أول ضابط الشرطة لوكيل النيابة مرورا بالتحقيقات التي تجرى بواسطة رجال المباحث...... و لكن ما وصلني أثناء مشاهدة المسلسل انه يعرض الصورة المثالية التي نتمنى في يوم من الايام ان نصل اليها، و أنا ارى أن هذا المسلسل يوضح للمشاهد البسيط الحق الذي يجب ان يعامل به من جهات الامن المختلفة و لا يجب ان يتنازل عنه....

mn_elakhr said...

من الاخر احنا من امتي في مصر فيها ديمقراطي او حري تعبير ما طول عمرنا علي رقيب في كل تصرفتنا يعني جت علي المسلسلات
سعم اول يا بسط

mn_elakhr said...

من الاخر احنا من امتي في مصر فيها ديمقراطية او حرية تعبير ما طول عمرنا تحت امر الحكومة في كل تصرفتنا يعني جت علي المسلسلات
يا عم اول يارب

ابن رشد said...

هو بينك و بينك انا حاسس بالاحساس دة من اول المسلسل
بس دة قدر يا بنتي لازم كل سنة التلفزيون يقهرنا الهرة دي

vampire said...

و الله انتي عندك حق , للأسف انا كنت معجحب جدا بالمسلسل , لكن الموضوع بأه فقيع جدا فعلا , ال وانا اللي كنت كاتب فيه مقالة شكر علي مدونتي
عموما مبروك الحقيقة بانت وحضرة الظابط طلع برأة في حلقة النهاردة

saken_asly said...

السلام عليكم.اولاً البلوج جامد اوى و المواضيع اللى بيتكلم فيها حلوة كمان.و طبعاً انا شايف زيكم كدة و خصوصا انه باين اوى انهم قصدهم تحسين صورة الظباط بعد طبعا ما ريحة فسادهم ظهرت و طلعت اوى اوى.و بغض النظر بقى عن تحسين صورتهم و فى المسلسل الهولمى الوهمى جدا قضية رأى عام بيوصل نزاهة الدولة بأن ابن الوزير حبسوه و ان الوزير مش عارف يعمل ايه عشان يخرجه.ده كان المفروض يكون فى الهند ولا حاجة عشان نصدقه.و يثبت فشل المسلسل سينمائيا انه بعيد عن الواقع جدا و محدش اصلا يصدقه لاننا من البلد و عارفين اللى فيها:).غير انه زى افلام زمان كدة بتاعت نادية الجندى و الامرأة الحديدة و الحاجات دى ما علينا هى جت على المسلسلات بس يعنى

travesti said...

... الأمل لمحو الألم بعد كل عاصفة ، وطلوع الشمس ، على أمل في قلبك... وتتمثل المهمة حتى الدموع ، ثم ابتسم للمستقبل 'ينظف' القوائم في المائة إلى سوينغ سوينغ... وكل يوم واحد هو الصحيح ، وهو تاريخ وقوع الكارثة في ذلك اليوم ، 'ما لم يكن احد لديه خبرة في مجال ننسى طوعا على أي حال... ولكن آمل أن يكون هناك شرط ، "صدقوني ، لا تتخلى عن لي"

escort bayan said...

القرش و الضابط امن الدولة , مراته بتزعقله عشان بيقرا رباعيات صلاح جاهين, لا و ايه بيعلم بنته في المسلسل ازاي تستطعم أشعار صلاح جاهين