Sunday, May 20, 2007

الجماعات الإسلامية


كتاب الجماعات الإسلامية رؤية من الداخل لمنتصر الزيات أنصحكم تقرأؤه خاصة من لم يعيشوا تلك الفترة و كانوا رضع او أطفال أو حتى لم يولدوا و هي فترة السبعينات و حتى إغتيال الساداتيااه كل تلك الأحداث و الأشياء لم أكن أعرفهاالكتاب لمنتصر الزيات الذي كان من أوائل المؤسسين للجماعات الإسلامية في مصر الجماعات التي خرج من عباءتها كثيرون و منهم من غغتالوا السادات و منهم من يؤرقون الولايات المتحدة الأن و العالم كله!!!

إن قضيتهم و هدفهم الذين عاشوا و ضحوا من اجله بدأ بفكرة و كتب كانت هي من تشكل عقلية و إيمان هؤلاء الشباب فقبل الأنضمام للجماعات الإسلامية كان الشباب يقرأون كتب بعينها عن فكرة الجهاد في الإسلام و قد أرجع الزيات السبب في قيام الجماعة الإسلامية هو هزيمة 67 و قد أصر على انها كانت هي الدعوة المباركة و الصحوة ...و فصل الزيات تماما بين الجماعات الإسلامية و جماعة الإخوان المسلمون و بدى واضحا ان الإثنين أي الجماعة الإسلامية و الإخوان لم يلتقوا في خلال تلك الفترة و لم يكن للإخوان لهم أي دور في تطور فكرة الجهاد و عملية إغتيال السادات!!

و لكن ربما إنتقل أفراد من الجماعة الإسلامية إلى الإخوانأما حديث منتصر الزيات عن مخطط الجماعة الإسلامية و الذي كان هدفة قلب نظام الحكم و لم اكن اعرف في حياتي أن اليوم الذي قتل فيه السادات لم يكن فقط مجرد إغتيال بل كان خطة لإستيلاء الجماعة الإسلامية على الحكم و السيطرة على مبنى التلفزيون و مقار الشرطة و الخطب في الناس داخل المساجد و بالفعل قاموا بذلك و لكن فشلوا و يقول منتصر الزيات ان الجميع راهن على ثورة الشعب المصري بعد ان يغتالوا السادات !!!

و لكن لم يثور الشعب و لم يتحرك و برر الزيات ذلك بان المصريين كانوا يحتاجون بعض الوقت و انهم لم يتحركوا و لم يثوروالانهم وجدوا النظام لا يزال قويا !!!طبعا هنا الكلام مش مقنع خالص و هو من غمتى الشعب المصري بثور و يتحرك على حكامة!!!! ؟؟

ببساطة لم يثور الشعب المصري لأانه كان خايف الخوف هو السبب و بعدين في عهد السادات ناس كتيرة سرقت و أصبح معها ثروات لماذا يثورون إذن؟؟؟ و على مين؟

على رجل و نظام سهل لهم السرقة و فتح لهم أبواب لمكاسب طائلة .الخوض في قصة و تايخ الجماعة الإسلامية في مصر كان بالنسبة لي غريب و مرعب في ذات الوقت خاصة انهم برروا بالدين بل و أثبتوا أن إغتيال السادات حق و واجب عليهم كمسلمين و إلا كانوا كفارا و برروا أيضا إعتداءاتهم على أموال أقباط مسيحيينبرروا الدم و القتل بالإسلام و هي مصيبة من وجهة نظري ...عبود الزمر ضابط الجيش و المخابرات , كرم زهديناجح إبراهيم ومحمد عبد السلام وعصام دريلة وعاصم عبد الماجد وعلي الشريف و أسامه حافظ و طلعت فؤاد قاسم وفؤاد الدواليبيخالد الإسلامبولي ضابط الجيش , عمر التلمساني , أيمن الظواهري,عمر عبد الرحمن كل تلك الأسماء في تاريخ الجماعة الإسلامية كتب عنها الزيات..اطباء و مهندسين و صيادلة و محاميين و مصريين من كلصوب كانوا شبابا إنخرطوا في فكر الجماعة الإسلامية و فكرة الجهاد و بجد في رايي أن هؤلاء أضاعوا حياتهم و شوهوا الإسلام بما فعلوه سوف أضيف لاحقا أسماء الكتب أو المنهج الذي يبدأ به الشباب في الجماعة الإسلامية و هي كتب لابن كثير و بن تيمية و كتب اخرى يمكن حتد فيكم يحب يقرأهم و أيضا سوف اضع تفسيرهم و أسبابهم لوجوب قتل السادات من الناحية الشرعية

9 comments:

عباس العبد said...

لو الكتاب ده
صادر من دار مصر المحروسة يبقى قريته
لأنه صدر من سنتين فى معرض الكتاب
لو مش بتاع مصر المحروسة
الحقينى بدار النشر و مكاتب التوزيع

.:.-=- ELGaZaLy-=-.:. said...

انا قريت الكتاب دة من فترة

همممممممممممم

اختيار مثقف للغاية

عبقرينو said...

السلام عليكم
للأسف لم أقرأالكتاب من قبل ,ولكننى لى تعليق على نقطتين الأولى إستغرابك من قناعة من قام بإغتيال السادات أن هذا واجب ولا بد من عمله؟ وسؤالك منذ متى يثور الشعب المصرى....من الممكن أن أكون أحمل رأى صادم لكى بخصوص السؤالين
الشعب المصرى شعب من السهل جدا الضحك عليه بأسم الدين لأنه لايعلم من الدين إلا المظاهر فقط لايعلم روح الدين وبالتالى من السهل الضحك عليه ..وتجدىهذا واضحا جدا فى ذقون وجلباب قصير ومصاحف فى العربات وصلبان على الصدور ورشاوى على الكلأ...وأيضا سلبية شديدة تجاه مايحدث فى مصر ...مع أن الدين يحث الفرد على الإهتمام ببلده وأن يكون إيجابيا
ثانيا كتاب كنت قد قرأت ملخص عنه ..الثورات فى تاريخ الشعوب...وجدوا أن الشعب المصرى من الشعوب التى لا تستطيع التنبؤ بثورته من الممكن أن يحدث موقف يستلزم الهبه والوقوف والثورة وتجديه يتعامل بهدوء وبسلبية شديدة وأيضا موقف ما لا يتحمل الثورة بتاتا تجديه يتحرك تحرك فوضوى أشبه مايكون بالثورة
وهذا على ما أظن يدل على عدم وعى وعدم نضج
شكرا لكى على تحفيزك لى لكى أقتنى هذا الكتاب لكى أتعرف عن جزء من تاريخ مصر
تحياتى

wa7da masrya said...

أيوه هو بتاع مصر المحروسة و الكتاب صدر منذ عامين و كنت عايزة اجيبوه من زمان بس محصلش نصيب على العموم فكرة الجهاد مثيرة للإهتمام بالنسبة لي و عايزة اعرف عنها لأنها موجودة في الإسلام الذي أدين به و المشكلة الكبيرة إن فيه تجاهل إعلامي كبير للفكرة و مناقشتها بينما في العالم كله الأن يحاول الغرب و الأخر إنه يفهمها و سكوتنا و سكوت علمائنا بيشوه صورة الإسلام أكتر و بيأكد أفكار الأخر .

عباس العبد said...

فى موسوعة ست اجزاء جامدة جدا
لواحد اسمه محمد عبد الرحيم
تخصص جماعات و حركات اسلامية
حتلاقى فيها شرح لكل الكتب الى انت عايزاها
ابت تيمية و ابو الاعلى المودودى و سيد قطب
...............
و فى كمان اصدارات مركز الاهرام
للعبقرى ضياء رشوان
دليل الحركات الاسلامية فى مصر والعالم
بيشرح فيه كل الحركات الاسلامية حول العالم
من اول نشاتها الى طريقة عملها و افكارها حتى الان
............
و فى كمان موسوعة الاسلام السياسى اصدارات اخبار اليوم
لرفعت السعيد تلات اجزاء
بيشرح فيه كل حركات الاسلام السياسى
حتى جماعة صالح سرية موجودة
الى هو تنظيم الفنية العسكرية
و ده كان انقلاب قبل محاولة اغتيال السادات
...............
و فى كتاب عبقرى
عبارة عن رسالة دكتوراه
اسمه الاخوان المسلمي من حسن البنا الى سيد قطب
لواحدة اسمها هويدا
بس مش متذكر بقية الاسم
.......
شكرا لسعة صدرك

Anonymous said...

بس يا ريت لما نقرا تاريخ الناس دى ما ناخدوش من أعداءهم زى رفعت السعيد مثلا لأننا متوقعين هو هدفه إيه بالضبط .. طبعا هدفه يشوه صورتهم .

و كمان الظاهر من كلام (واحدة مصرية) أنها بتصدق اللى الحكومة بتقوله عنهم.

تعرفى يا واحدة مصرية إيه هو السبب فى فشل ثورتهم رغم بذلهم لمجهودات جبارة؟

السبب أن أجهزة الأمن المصرية بتتبع طريقة قذرة جدا هى أنها تقبض على أى واحد متدين بطريقة عشوائية و تقعد تعذب فيه لحد ما يعترف .. و طبعا كان بيكون فيه ناس كتير ما يعرفوش أى حاجة عن التنظيم لما بيتعذبوا بيتمنوا أنهم كانوا يبقوا أعضاء فى التنظيم علشان يعترفوا و يخلصوا من التعذيب لكن للأسف ما كانش عندهم حاجة يعترفوا بيها.

بجد نظرتنا للناس دى المفروض يكون فيها شوية إنصاف و عدل لأنهم اتظلموا مرتين مرة بالتعذيب و مرة بالتشويه الإعلامى.

Anonymous said...

أنا مش متخيل يا مصر إن ولادك يحصل فيهم كده ....................وأنا مش بكلم عن الضرب والتعذيب والإهانات والضغوط والإرهاب الممارس من الدولة أنا بتكلم عن إنهم لسه بيتكلموا عن رغيف العيش والقمح المسرطن والتعليم والصحة ويعملوا عشان الكلام ده مظاهرات ..........أنا واحد صاحبى إنجليزى شارك فى مظاهرة عشان الإحتباس الحرارى !!!!!!!!!!!!!!!!!يا بخته
أحبال صوتية
متابع

Anonymous said...

شكرا عباس العبد على مجموعة الكتب اللي انت ذكرتها ...مفيدة جدا ..والحقيقة انا شايف إن كان في تداخل قوي جدا بين الجماعات الإسلامية في فترة ما قبل اغتيال السادات. ممكن الواحد يميز فكر الإخوان المسلمين ولكن المجموعات الأخرى كان صعب انك تقول مين بينتمي لإيه ...كلي أمل لما اقرا بعض هذه الكتب المذكورة أفهم الفروق بين كل جماعة وأخرى.

Anonymous said...

???