Monday, March 05, 2007

عاطل اقتحم القنصلية الإسرائيلية

الخبر ده من في البلد لكن طبعا الشاب ده طلع مختل عقليا كالعادة تماما مثلما طلع الجاسوس جاي و كريم عامر مزدري للأديان ووحش و إحنا كلنا وحشين و مجانين و نستاهل الشق و الوحيد اللي بيفهم ربنا يكمله بعقلة يا رب هو مبارك و ولده و سوزان و العائلة و الوزراء و الحاشية بس أما الشعب فهو مجانين و ****** أنا مش حكمل بقى
"
القت الأجهزة الأمنية بمحافظة الإسكندرية القبض على شابا مصريا ، عقب محاولته لقاء القنصل الإسرائيلي أمام مقر القنصلية ، بهدف الحصول على فرصة عمل في إسرائيل ، لفشله في العثور على وظيفة.

وذكرت صحيفة "الشرق الأوسط" يوم الأثنين ، أن المتهم يدعى محمود حنفي ويبلغ من العمر 26 عاما ، وأن القنصل الإسرائيلي بالإسكندرية قد تفاجأ عند النزول من سيارته عقب وصوله إلى مقر القنصلية بالمتهم يخترق الحرس الأمني محاولا الحديث معه ، إلا أن الحرس نجح في القبض عليه وإبلاغ الأجهزة الأمنية التي أوقفته.

وقالت سلطات الأمن بالإسكندرية فى بيان صحافي : "إن المتهم مختل عقليا وسبق له العلاج في احد المصحات النفسية" ، مشيرة إلى "أنه تقرر التحفظ عليه لمدة أربعة أيام لحين انتهاء التحقيق معه".

واعترف المتهم في أقواله بأنه فشل في العثور علي أي عمل بعد تخرجه من أحد المعاهد المتوسطة منذ ما يزيد على الأربعة أعوام ، فقرر السفر إلى إسرائيل للعمل بها بعد تعقد إجراءات السفر إلى البلدان الأوروبية.

وقال حنفي إنه حضر إلى مقر القنصلية أكثر من مرة ، إلا أنه فشل في لقاء القنصل فقرر يوم الحادث انتظاره لحين حضوره والتحدث إليه ".

8 comments:

.:.-=- ELGaZaLy-=-.:. said...

وقالت سلطات الأمن بالإسكندرية فى بيان صحافي : "إن المتهم مختل عقليا وسبق له العلاج في احد المصحات النفسية" ، مشيرة إلى "أنه تقرر التحفظ عليه لمدة أربعة أيام لحين انتهاء التحقيق معه".

-----------------------------------

البلد كلها بقت متخلفين الحمد لله...


ومختلين عقليا...دى اول مرة ازور مدونتك بس مش هاتكون الاخيرة ان شاء الله

تحياتى

Anonymous said...

المشكله مش في اني السلطات بتاعتنا قالت انه مختل
ده العادي بتاعهم
المشكله ان الناس خلاص فاض بيها
لدرجة انها مستعده تشتغل في اسرائيل لاني وببساطه مفيش شغل في مصر

هي دي بجد المصيبه الحقيقيه
ومش عايز اكبر الكلام بقي واقول ان ده بيدل ضمنيا علي تهالك النسيج الاجتماعي وبتاع
لكن انا بجد شايف مصيبه الخبر انه بعد ما فاض بيه وفقد الامل انه يلاقي شغل في مصر قرر يسافر اسرائئل :(

okletstrythis456 said...

يارب نعقل في يوم ونبقي في كمال وعقلانية النظام بقي

BeLiEvEr said...

أنا بقيت حاسس إن الناس اللى فى المصحات هما العقلين و الناس اللى بره هما المجانين!! و عجبى!!!

وشوشات said...

عاطل.. مختل عقليا.. همه مش بيزهأوا؟ طيب احنا زهقنا و حاسين انها بأت نكتة بايخة الصراحة.

أحمد هتلر said...

طيب تفتكري المخابرات المصريه كان عندها خبر بانه تقدم للسفاره وعلشان كده السفاره رفضت تاخده وتشغله ..
ولا يمكن مصر نايمه على ودانها والسفاره عندها جواسيس عماله زايده ..
واشمعنى يعني راح سفاره اسرائيل .. الأخ بيتكلم عبري ..
اتمنى يكون ده قلم يفوق الحكومه .. ويقولهم فى مصريين دلوقتي عندهم يبيعوا بلدهم علشان شويه فلوس ..
والله احنا اللى مجانين اننا مش فاهمين ..


أحمد هتلر
www.a-hetlar.com

Anonymous said...

على فكرة في الاف المصريين الي بيشتغلو في اسرائيل و متجوزين اسرائيلات كمان
و عادي يعني

بس بيروحو فلسطين الاول و منها على
اسرائيل زي برضو الاف الفلسطينين

فإن الشخص ده يتصور انه هيلاقي فرصة عمل عن طرق القنصلية الاسرائيلية فدا مش جنان على قد ماهو جهل

بس في الاخر و في الاول هوا حر و انا مش عارف اه يعني التهمة الي ممكن توجه له ؟؟

عكر مزاج جناب القنصل ؟؟

Anonymous said...

مش الحكام العرب واولها حسنى اعترف بدوله اسرائيل يلا بينا كلنا نكون يهود مش هو قدوتناجعانين وشحاتين ومنهوبين وعايشين مداينين اقعد فيها عشان ابقى من ضمن المجانين يارب فكها على المصريين