Monday, February 13, 2006

كفاية دعوة للتظاهر الثلاثاء: أمام النائب العام. الأربعاء: امام مقر شركة الموت

الحركة المصرية من أجل التغيير
لا للتمديد..لا للتوريث.. باطل
كفايه
تدعو جماهير الشعب المصري، الذي يستهين النظام بأرواحهم وأرواح أبنائهم، ويحمي عبر أعلى قياداته شركة الموت.لنتضامن مع أهالينا من شهداء عبارة الموت وأسرهم.
لنتضامن ضد إنشغال نظام مبارك ببياض الأرصفة بينما جلاديه يعتدون بوحشية على أهالي الضحايا.
ضد حماية نظام مبارك وحزبه اللاوطني وقيادته ولجنة سياسات (جمال) لمالك عبارات الموت ونائبه بمجلس الشورى.

* الثلاثاء 14 فبراير.. الواحدة ظهرا
تجمع أمام مكتب النائب العام للمطالبة بإغلاق شركة الموت ومحاكمة مالكها عضو مجلس الشورى عن الحزب الوطني والمقرب من لجنة السياسات.

*الأربعاء 15 فبراير.. الواحدة ظهرا
تجمع شعبي لإدانة اجرام شركة الموت في حق المصريين أمام مقرها 30 يعقوب ارتين مصر الجديدة
.

6 comments:

sherehan84 said...

ايه يا مصريه فين أخبار المظاهرات ؟؟ اتأخرتي أوي علينا

brokenheart said...

عزيزتي واحدة مصرية
عمالين تقولوا مظاهرات مظاهرات ولا بنشوف اى حاجة
ياريت لما يكون فيه مظاهرات او مسيرات سلمية على الاقل تبلغونا بيها على العنوان التالى
على بلوجرى brokenheart75.blogspot.com
او على الايميل التالى broken_heart75@hotmail.com
-------------------
بالمناسبة كتاباتك معبرة جدا عن اللى بيحصل فى البلد
ولسة فعلا فيه ناس بتحب مصر
بس كل واحد فينا بيحب مصر بطريقته
فيه واحد بيحب مصر علشان اسهل بلد الواحد يعرف يسرقها
وواحد بيحب مصر علشان احسن بلد تحط قانون وتتجاوزه
وواحد بيحب مصر علشان مش عارف يحب غيرها
وشكرا ليكي واستمرى للامام على طول
بس اوعى تستمرى حد ما نتقابل فى اللومان
ههههههههههههههههههههه

viga said...

صبح صبح يا حاجة مصرية مظاهرات مين والناس نايمين . أنا يوم ما طلعت فى المظاهرة طلعوا علية العساكر ولاد الهرمة واتخدت تحرى يوميها إنتى عارفة بتهمة فعل فاضح فى الطريق العام مع إن لو أعرف ان المظاهرة كانت فيها حريم كنت عملت الفعل الفاضح ويوم ما اعمله كمان هتاخد بتهمة سكر وبعربدة من الأخر كدة يا حاجة مصرية غحنا شعب بيتاخد على أفاه شوفى كام واحد ممكن يقول لالا وكام واحد ممكن يقول أة اللى هيقول أة قليل واللى بيقول لالالالالا وكفاية كتير لكن مختفيين عايشين فى الظلام والحرمان والحكومة بتاخد الظاهر القليل اللى أمامها وتقولك موافقة بالأجماع زى مجلسى الشعب إذا كان فيه شعب والشورى إذا كان فيه شورى ودمتم
وأخرة الماتمة يا حسرة الشعب يقولك إيه وهو طالع ميتين أمه ( محدش بينام من غير عشا ) أهو ده اللى فلحين فيه .
وكمان جيتى اتكلمتى على موضوع الإنتخابات لعلمك الإنتخابات متزورتش الإنتخابات كانت نزيهة جدا عارفة ليه علشان الشعب خايف يقول لالالا
إحنا من الأخر ماشيين بسياسة القطيع يعنى راعى بيشوف الغنم بتاعه أكل أكل مكلش مكلش والحكومة بتاعتنا شعارها اللى يا كل على درسه ينفع نفسه
إحناويوم العبارة اللى راح ضحياها ألف شخص ويمكن أكتر كنا بنشجع المنتخب الوطنى فى الكورة وبنزغرط ونطبل وناس تانية بدور على أى حاجة علشان تنقذ نفسها وتوصل للشط بزمتك ده كلام وكمان عبارة إيه أصلا دى مش عبارة دى أصلان حتة بتاعة خردة للبضايع وهما أعتبروا الناس دول بضايع وقالوا لو غرقت العبارة هناخد التعويض وفى كلتا الحالات هياخدوا التعويض ومحدش هيقدر يقول تلت التلاتة كام .
شوفتى إحنا شعب مطحون إزاى
من طرف أخوكى رجل فقد عقله
فيجا

Taher said...

وضد من سنتظاهر
العبارة لم تكن تحمل العلم المصر على ما عرفت واتهيألى ان الضحايا ليس لهم الا الاعتذار والتعويض

The Cairene said...

ما هي رؤيتك لانحسار حركة كفاية؟ هل تعتقدين بانها علي وشك الانتهاء او انها ادت دورها في هذه المرحلة بالذات و قد تتشكل حركات او مجموعات اخري في المستقبل حسب الاجواء السياسية
في راي المتواضع: اعتقد ان جمال مبارك عازم علي تولي الحكم في السنوات القليلة القادمة و اقول انها قليلة لان صحة والده ليست علي ما يرام و العمر تقدم و لم يتبقي الكثير
و نحن كشعب لسنا طرفا في اختيار من يحكمنا و بالتالي مصائرنا
ربما ستفرز الشهور او السنوات القادمة حركات اخري تعبر عن ما سيحدث
و الله معنا جميعا

Yasser_best said...

الكلمات عناوين تدل على صاحبها.. وقلمك يملك ما يستحق الاحترام والتقدير
أطلقت مدونتي حديثا
http://yasser-best.blogspot.com/
يسعدني أن نتبادل حوار الأفكار
مودتي واحترامي