Monday, February 07, 2011
لية مينفعش مبارك يقعد لحد سبتمبر
لية مينفعش مبارك يقعد لحد سبتمبر ببساطةلان مبارك كداب لانة نظام كدب وغش نسيتو انه زور ارادتنا في الانتخابات لمدة تلاتين سنة ؟ عارفين مبارك قال اية في اول خطاب له سنة ٨١ قال انه مش حيقعد غير فترتين وانه مش عايز حاجة من الرئاسة لان الكفن مالوش جيوب لكن قعد ٣٠ سنة وثروتة هو و جمال وعلاء و سوزان تقدر ب ٧٠ مليار دولار و احنا فينا كتير مش لاقي ياكل بقاء مبارك حتى سبتمبر يعني نديلو فرصة يظبط امورة و يخبي فلوسنا اللي سرقها انت ترضى بكده؟ عارفين ان اهل الدويقة لسة نايمين في الشارع عارفين ان صاحب العبارة صديق مبارك لم يحاكم مبارك ضحى بالعادلي و حبة وزرا عشان يسكتنا لكن هو نفسة اللي اختار العادلي و سابو سنين يذل ويبهدل المصريين و بص حوليك حتلاقي حد من عيلتك ولا صحابك اتاخد مرة ظلم و خرج بس لمالاقى واسطة مبارك عين حكومة حرب كلها جنرالات و رئيس الوزرا قال مش حنقبض على حد لكن كل يوم بيخطفوا شباب من الناشطين و اخيرا اتفرج بس على التلفزيون المصري ستدرك ان الكدب للركب وان مفيش حاجة من اللي بيقولها نظام مبارك صح
Subscribe to:
Post Comments (Atom)
9 comments:
أنا ضد مبارك و عائلته و جميع الفاسدين و لكن بصراحة لا أريد أن يقفز الإخوان الى السلطة حتى يقوموا بتحويل مصر الى سعودية أخرى أو إيران ثانية في أفضل الأحوال. أنا فعلا غير مستفيدة من نظام مبارك و لا من عائلته الفاسدة. و نجاحي العملي هو بجهدي الشخصي بداية من تفوقي في الدراسة منذ صغري و نهاية بعملي حاليا كطبيبة أطفال.
لذلك رجاء حار لا أريد أن يتهمني أحد بالخيانة و لا أني مستفيدة من الحزب الوطني. و رغم كل ذلك أنا مع رحيل مبارك بشرط ان تنتهي فتره حكمه حتى يتم تسليم السطة بسلاسة و هدوء الى رئيس شرعي جديد منتخب لفترة انتقالية بعد الإصلاحات الدستورية و التشريعية.أما اسقاط مبارك بهذا الشكل العشوائي معناها أن يقفر الإخوان الى السلطة في ظل الفوضى و عدم الإستقرار و مخطئون من يعتقدون أن لهذا الحزب أغلبية في الشارع المصري، لكن لو حصلوا فعلا على أغلبية في انتخابات نزيهة فسأكون أنا أول من تعترف بهم.
ثم لدي عدة أسئلة: ماهي انجازات البرادعي حتى يكون مؤهلا لحكم مصر؟ ألم يكن هو شاهدا زورا في وكالة الطاقة الذرية عندما تم غزو العراق بحجة أسلحة الدمار الشامل؟ ماهي انجازات الإخوان الذين يريدون دولة ثيوقراطية و الذين قال مرشدهم السابق طظ في مصر؟ ماهي انجازات الوفد و بقية الأحزاب التي لم يسمع أحد لها صوتا الا هذه الأيام؟ أليس حزب الوفد هو الذي وصل الخلاف فيه سابقا على السلطة الى حد استخدام العنف و البلطجة في مقر الحزب؟ ما الذي يجعل هذه العقلية تختلف عن عقلية الحزب الوطني؟
على فكرة تقرير صحيفة الجارديان المزعوم عن ثروة مبارك لا يوجد أي دليل على صحته نهائيا و يذكرني بالتقارير الغربية الكاذبة التي كانت تدعي امتلاك العراق لأسلحة دمار شامل. مرة أخرى لا ادافع عن مبارك و لا شك لدي في فساده و لكن سبعين مليار لا يصدقها طفل.
طبعا أقدر رأيك و أحترمه و أدرك أنني قد أكون مجرد ضيفة ثقيلة على مدونتك الشخصية خصوصا انني للأسف بدأت ألاجظ في بعض المدونات عدم تقبل نهائيا لأي أراء آخرى و كأن العالم إما معنا او ضدنا مثل مبدأ بوش بالضبط. على اية حال صبر عدة أشهر أسهل كثيرا من صبر ثلاثين عاما.
د.شيرين
حسبى الله ونعمه الوكيل.
والى لازم نعمله دلوقتى هو ان احنا نقف مع ابطال مصر الى زهقه من الظلم والقرف الى شعب مصر فيه من زمان..
كل الى بيحب مصر زدلوقتى اودامه فرصه انه يعبر عن ده وباعلى صوت كله بحاجه واحده بس يروح يقف مع باقى اهل مصر الى مستعدين انهم يضحوا بكل حاجه عندهم بس علشان بلدهم.
تعرفوا ليه مستعدين يضحوا بكل حاجه عندهم؟
علشان هما مش عندهم حاجه اصلا فخلاص بقا لو مش علشانهم فعلشان الاجيال الى جايه...
يا رب خليك معانا احنا قربنا من حلم كل مصرى انو يعيش حر .
يا رب
hi, i am trying to contact you today, i met you two years ago, my name is Natalia will be in Cairo until tonight. thanks: 0173505776
uzamax
عاوزين نفكر بقى فى اللى جاى وسيبونا من مبارك وغيره .. طبعا لازم يتحاكمو لكن الأهم هو التفكير والبدأ فى تنفيذ اللى جاى ... وياريت تشرفنى فى مدونتى نصائح للمدونين يمكن تفيدك فى تطوير مهاراتك التدوينيه.
http://www.escortilanturkey.com/
ankara escort
ankara escort bayan tankyou admin sex girls turkey
Yes, it is a very good website!
Post a Comment