Thursday, August 13, 2009

مايحكمش جمال مبارك




أصاب بالحيرة و تملئ دماغي الأسئلة عندما أسمع هؤلاء النسوة اللاتي أشاهدهن يقولن بعلو صوتهم "مايحكمشي" كنت أراها جملة إعتراضية في منتهى القوة و لكن لم أدرك بالتحديد ما هو الإستخدام الصحيح للتعبير "مايحكمشي" و اخيرا وجدت الرد في أغنية المطرب الشعبي و اللي معرفهوش محسن الصياد الذي غنى لجمال مبارك و قال : "طيب ليه ميحكمشي طيب ليه ميمسكشي
ده فاهم و ابن ريس و الموضوع مدروس و لا محتاج لسلطة و لا محتاج لفلوس ريس و أبن ريس سيبك من التهييس سيبك من اللي يقولك حيخدها بالتوريث
كل الصعايدة بيحبوا جمال و الفلاحين بيحبوا جمال المصريين بيحبوا جمال
دة باشا و ابن باشاجمال مبارك حنتخبوا لو رشح نفسة حنتخبوا 99% بيقولوا عايزين جمال " 80 بص بعينك على مليون طلع لي حد غيرة بس يكون مضمون
إيه يعني جمال مبارك يجي بعد أبوه"
خلص كلام الاغنية و يبقى على الصعايدة و الفلاحين و المصريين اللي جت سيترهم من غير لازمة أنهم يردوا على الكدب دهبالأمس على قناة بي بي سي العربية تمت مواجهتي ب نبيل لوقا باباوي لواء الشرطة السابق و اللي ماسك لجنة الإعلام في مجلس الشورى كنا نتحدث عن جيمي و محاولته غستقطاب الشباب عن طريق إستخدامه لفيس بوك و الإنترنت و بعد حوار و مواجهة لمدة 15 دقيقة كان تعليق الحاضرون في الإستديو "غنتي حرقتي دم الراجل" و كنت فخورة بحرق دمة لأنه كان يتحدث عن جمال كأنه ملاك كأنه رئيس كأنه مننا و حاسس بينا و كان ردي منطقيا واقعيا ان جيمي يعيش في مصر تانية هي مصر رجال الأعمال و أنه سيفشل في إستقطاب الشباب على الإنترنت من خلال الفيس بوك او التدوين لانها ادوات تعتمد على حرية التعبير و جمال ينتمي لحزب حاكم يقمع و يحارب حرية التعبير و يعتقل و يحاكم المدونين و أضافت أن جمال و حزبة لديهم مدونات ورقية مثل الأهرام و الجمهورية و صحف الحكومة هي تكفيهم و تهلل لهم هنيئا لجمال بالاغنية الجديدة و و يا رب مايحكمش و إيييييييه

9 comments:

مختار العزيزي said...

كلمات الأغنية مفيش فيها أي مشكلة باعتبار أنه معاه وسيط إعلامي وبيعبر عن فكرته - لكن طبعا المنطق المستخدم كله مشاكل - باستثاء كلامه عن إن كل الفلاحين والصعايدة عايزين جيمي.

مش من حقه طبعا يتكلم عن تصنيفات كاملة من المصريين ويتكلم بالنيابة عنهم.
لكن ضروري نعترف باردو إن المنطق بتاع الأغنية رائج جدا ومتكرر على المقاهي والمصاطب والمصالح الحكومية.
أتمنى كليب عماد بعرور الجاي يقول: لأ ما يحكمشي
:)
-------------
حاجة في منتهى السخافة إن تظهر رسالة تحذيرية قبل الدخول إلى مدونتك !!! لما فكّرت فيها جالي إحساس إن الطريقة ممكن تأثر على لاوعي المتصفح بأنه بيعمل حاجة غلط أو حرام أو على وشك إن قدمه تزلّ.

wa7da masrya said...

أكيد من حق الشعب يعبر و كل واحد و نيتة يمكن المطرب ده بيحب جيمي فعلا

موضوع التحذير ده أكيد أنه مزعج و أتمنى أنه يتصحح لكن زي ما قلت مش حيمنعني و يوقفني :) جاءتني رسالة من مواطنة فرنسية تتابع مدونتي و هي لا تقرا العربية أساسا و لكنها تقوم بإستخدام برنامج للترجمة هي بعت و قالت لي احترمك بشدة و أتابعك و سوف اظل اتابعك و يكفيني ان الناس بتقرأ :)

Egyptian Prince said...

لو كل الناس كانت عاوزة جمال مبارك وبنسبة 99% زي ما بيقول ماكنتش الاغنية دي اشتهرت لأنها ساعتها هاتبقى اغنية عادية مافيش فيها جديد لكن الاغنية دي اشتهرت لان اغلب المصريين والحمد لله مش عاوزين جمال مبارك فالكل عاوز يسمع الاغنية ويشوفها لانهم في قمة الفضول يعرفوا مين دة الي عاوز جمال مبارك وبيغنيله وهم على وجوهم علامات الاستغراب !!!!!!!!!

adlan said...

مدونة عدلان

رجب عبد العظيم said...

الحملة المصرية للمطالبة بمحاكمة الرئيس محمد حسني مبارك أمام المحكمة الجنائية الدولية
http://www.egycall.50webs.com

escort said...

escort bayan ankara bayan eskort servisi bayanlar ist escort siteleri kadın escort servisi eskort izmir bayan eskort servisiqa

Unknown said...

Interesting Read. You might have to show me how to do this blog thing.
escort bayanlar ankara services which are best to use at home or office. i will love to return here again as i get time. escort bayanlar This is first time i am here and i really like the stuff on your pages as i was wandering on internet for escort bayan These shots are amazing! You get to see what happens underwater (which like nobody ever gets to see) Awesome!!! :) escort bayan

anakra escort said...

anakra escort

شركة نقل عفش بالرياض said...


شركة نقل عفش بالرياض