Sunday, July 24, 2011

كلمتي للواء الرويني

انا مش حتكلم كتير و حطلب من اللواء الرويني و المجلس العسكري انة يدخل يقرأ مدونات المدونين المصريين من اول الفين و خمسة بما فيهم مدونتي المتواضعة عشان يشوف لو كان بنات و شباب كفاية و ستة ابريل عناصر اجنبية و لا لاء الحمد الله اننا سجلنا بالحروف و الصوت و الصورة تاريخ نضالنا عشان نحرر مصر و لسة حنكمل احنا شباب بسيط بيكرة الظلم و كان بيحلم بالتغيير عشان مصر و لكل المصريين منا اللي كان بيطرد من شغلة عشان امن الدولة كان بيهدد جهة عملة و مكنش حتى بيلاقي يدفع تمن سندوتش و منا اللي مكنش بيلاقى حتة ينام فيها و كنا بنقعد على قهوة البورصة في وسط البلد محدش فينا كان بيفكر في فلوس ولا سلطة و كان بيحركنا حب مصر

احب اقول للرويني و المجلس العسكري عيب لما تقراوا تقارير امن الدولة و تصدقوها

1 comment:

نجوى said...

أكملوا الطريق يا شباب مصر, اياكم أن تقوموا بنصف ثورة, أنا أخاف على ثورة مصر اللتي ألهمت و حركت الشعوب العربية المقهورة النائمة أخيراً و أعادت وجودنا, هي فرصة نادرة الآن و لا تتكرر دائماً, لا نريد لمصر أن تكون كبعض البلاد اللتي قامت بنصف ثورة و الآن الناس فيها لا يبالون ببعضهم و لا يؤمنون بوطنهم و لا أمل لهم بالمستقبل, لأنهم يقولون لا فائدة..أكملوا الطريق, لأجل مصر الحبيبة علينا و لأجل البلاد العربية الأخرى أيضاً. الطريق الى الديمقراطية طويل لا شك و لكنه يستحق العمل لأجله..