Saturday, September 12, 2009

سكك حديد مصر








أركب القطار بين القاهرة و الإسكندرية كل أسبوع تقريبا و من واقع تجربتي أحب أقول ان سكك حديد مصر غلى مدى الأربع سنوات الماضية و حتى الان و انا قاعدة بكتب الكلام دة لم تتطور و لم تتحسن لكنها ممكن تكون اتغيرت الصراحة و الشهادة لله عشان مكنش كدابة
يعني فعلا في شهر مارس الماضي لاحظت و أنا أركب قطار القاهرة المدعو "أسباني" لا حظت أن الكراسي مغلفة و تقريبا كانت لسه خارجة من الدراي كلين و لونها أزرق واضح لأن كراسي القطار عادة بتكون غير واضحة الألوان و لونها مهبب و مش باين

فرحت جدا بالنظافة و لما سألت الكمسري قال أنه تم تجديد القطارات و تفاءل الركاب و كنت في ذلك اليوم في طريقي من الإسكندرية إلى القاهرة و كانت ليلة هطلت فيها الأمطار على إسكندرية طول الليل و بالرغم من توقف الأمطار في الصباح إلا اننا فؤجنا نحن ركاب قطار الثامنة صباحا أن الأمطار توقفت خارج القطار بينما لم تتوقف داخل القطار فمبجرد تحركة تساقطت علينا سيول من المياة من سقف القطار و حدث هرج و مرج و زعيق و بلل و مكث غالبية الركاب واقفين طول السكة و منهم من وضع جرنال أو حقيبة على راسه لتحمية من أمطار سقف القطار
وسمعت عن جرارات جديدة و فعلا شفتها و وجدت أن عددها لا يتجاوز أصابع اليدين و تساءلت هما ليه جابوها ؟ لأن القطار لسه لحد دلوقتي بيتأخر عن ميعادة في الوصول فمنذ أربع سنوات منذ أن بدأت ركوب القطار بإنتظام لم يصل القطار في ميعادة إلا مرتين أتذكرهم جيدا لأن وصول القطار في موعده حدث لا يمكن أن أنساه كما لا يمكن أن أنسى كيف قالت لي موظفة شباك التذاكر و أنا مستعجلة عن أي قطار طالع حالا فردت أن القطار الوحيد هو قطار العاشرة صباحا اللي بيطلع من المحطة الثانية عشر ظهرا فأصابتني بغيظ و كان أمامي رجلا قد قالت له نفس الكلام مما جعل الرجل يمشي يكلم نفسة و علق أحد الموجودين أن التطوير حدث فعلا لانهم جعلوا الإنسان المصري يمشي يكلم نفسة
أما الأسبوع الماضي فقد أخذت القطار من الإسكندرية للقاهرة في العاشرة مساءا و أثناء جلوسي وجدت فأرا صغيرا بيتمشى تماسكت حتى لاأثير الرعب في نفوس الركاب و إكتفيت برفع رجلي من على الأرض كل ده يحدث في قطارات الدرجة التانية و الأولي المكيفة يعني قطارات الناس اللي حالهم كويس و هي القطارات التي تتحدث عنها الإعلانات و تتدعى أنها إتحسنت و هي قطارات لم أرى فيها يوما راكب قاعد بحلة محشي على الأرض ولا بيقطع في الكراسي و لا بيسرق حانفية من دورة مياة
لكن تعالوا شوفوا قطارات الدرجة التالتة و الإكسبرس فهي قطارات الجحيم قطارات الغلابة التي أسقطتها وزارة النقل و السكة الحديد و إعلانات طارق نور من حساباتهم فهي قطارات الموت اللي إتحرق فيها مئات المواطنيين منذ عدة أعوام و هي قطارات متهالكة يركبها اغلب شعب مصر قطارات يتعذبون فيها و يعانون حتى يصلون لبلدتهم و أهاليهم قطارات غير أدمية بلا أبواب و لا نوافذ عربتها مظلمة و قذرة ।
بجد بجد لا يسعني إلا إني أبدي إعجابي الشديد بقدرة السكة الحديد و وزارة النقل و الحكومة
على الكدب و التزييف و كمان قدرتهم أنهم يصدقوا كدبهم و يعملوا إعلانتهم الجميلة التي تظهر السكة الحديد كأنها جنة و المواصلات بها سهلة و مريحة و أمام كل هذا أصيب المصريين بالإحباط و اللا مبالاة و الإبتسامة الساخرة و أشوفك يا جمال مبارك بتركب قطار الأكسبرس إنت و الوزرا و الوالدة

8 comments:

Anonymous said...

بارك الله فيك

موضوع ممتاز

منتديات

http://www.56waat.com/vb

http://www.56waat.com

http://dalil.56waat.com

http://www.56waat.com/quran

http://www.56waat.com/hair

http://www.fr7ty.com/vb

http://www.fr7ty.com

مصطفي النجار said...

شاهنياز
انا كنت من حوالي 10 سنين
بسافر دوريا بين القاهرة والاسكندرية
وركبت جميع انواع القطارات
مكيفة وغير مكيفة واسباني وتوربيني وفرنساوي ومميزة وعادية
ومما رأيته اؤكد انهم كذبة وانهم لصوص
نحن نعاني في السكك الحديد وكأننا عبيد
القطارات اللي في الاعلان دي عمرها ما بتبقي كدا
حمامات القطارات الفاخرة قذرة مفيهاش مية
فمابالك بالقطارات العادية بتاعة الغلابة
انا قرفان جدا من حملة الاعلانات دي
ولو الواحد فاضي كان حملة اعلانات تكشف الحقيقة المرة
لهؤلاء الكذابين

wa7da masrya said...

أنا كل ما أشوف الإعلانات دي بحس بالغضب
طارق نور و الوزير بيشاركوا في حملة تضليل كبيرة و اعتقد لازم نرفع عليهم قضية غش و تزوير

Tarkieb said...

انا با استغرب ازاي محطة القطارات بتاعة رمسيس مافيها لوحة كهربية محترمة تبين مواعيد ووصول وارقام الرصيف..بدل الست اللي قاعدة فيالاستعلامات.ومش طايقة نفسها .العالم دول مش مكسوفيين على دمهم لما بيسمو القطار ده فاخر؟ ماشافوش القطارات في اوروبا العادية عاملة ايه؟ ...هي النضافة وراحة المواطنيين محتاجة مجهود؟ القطر الفاخر اللي انت مصوراه عمره ما استحمى.....

escort said...

escort bayan ankara bayan eskort servisi bayanlar ist escort siteleri kadın escort servisi eskort izmir bayan eskort servisi12

Property Investment Melbourne said...

Hello,I love reading through your blog, I wanted to leave a little comment to support you and wish you a good continuation. Wishing you the best of luck for all your blogging efforts.

olsonsfoodemporium said...

Gosh, there is so much useful data above!

شركة نقل عفش بالرياض said...

شركة نقل عفش بالرياض