Wednesday, February 23, 2005

سقوط طالب الطب صاحب موقع "هوباسكس" ا

نشرت جريدة المصري اليوم في عددها اليوم خبر سقوط سقوط طالب الطب صاحب موقع "هوباسكس" و
كما قالت الجريدة أن الطالب 22 عاما قام بإنشاء مجموعة بريدية على الإنترنت باسم "هوبا سكس" و إنضم إاليه 5728 عضوا جديدا من طلاب الجامعات يتبادلون الأفلام الفاضحة .
الإدارة العامه لمكافحة جرائم الحاسبات و المعلومات بوزارة الداخلية مع مديرية أمن الغربية رصدت الموقع حيث تبين لها ان منشىء المجموعة من الغربية كفر الزيات و يستخدم خط تليفون والده الطبيب للدخول على الإنترنت.
إنتهى ملخص ما قالته الجريدة .
تعليقي :
من الخبر كده يبدو ان الطالب أنشأ المجموعة البريدية على اليا هو جروب المعروفة لمعظم مستخدمس الإنترنت العاديين و التي يلجأ إليها تقريبا كل من يريد إنشاء مجموعة بريدية و يبدو أيضا انه ترك الإشتراك في المجموعة مفتوح عشان كده الرقم وصل ل5728 و أكيد الرقم الكبير ده مش كله من طلاب الجامعة بل أكاد أزعم أنه مستحيل .
إيه كمان ....أنا صعبان عليه هذا الطالب لأنه وقع ضحية الهبل الناس بتوع مكافحة جرائم المعلومات دول يبدو لي أنهم ميعرفوش أقل المعلومات عن الإنترنت و بعدين دي إنترنت يعني ملهاش بلد ملهاش ارض و أنا نفسي أعرف إيه التهمه اللي حيوجهوها للطالب ده بجد .
مواقع الإباحية على الإنترنت بالهبل و اللي مش بيدور عليها حتى بتطلع له لوحدها و المجموعات البريدية الإباحية أيضا كتير جدا و مش منطقي و لا طبيعي أنهم يقبضواعلى واحد من غير ما يكونوا على دراية كافية بالموقف و من غير ما يكون فيه قانون مصري بينظم علاقة "المصريين بالإنترنت" اللي بيعملوه ده إسمه تهريج و لوحكيتو لأي شخص في بلد من البلاد المتقدمه حيقول علينا مجانين.
.
من سنه تقريبا برضة قبضوا على طالب لأنه وضع إعلان يرغب في التعرف على شاب أخر و وضع الإعلان في موقع جاي إيجيبت و يبدو ان الطالب كان وضع إسمه بالكامل و نمرة تليفونه و كانت النتيجة قبضوا عليه و دخل الإصلاحية و التهمة لحد دلوقتي معرفهاش أنا بسمي ده برضه تهريج مش يمكن ميكنش هو اللي حط الإعلان .
و
قبلها قبضوا على أشرف إبراهيم و هو شاب مصري إشترك في المظاهرات ضد الحرب على العراق عام 2003 و وضع الصور على شبكة الأنترنت و كان جزؤة أنه قعد في السجن سنتين من غير تهمة ثم وجهت إليه تهمت أنه زعيم تنظيم الشيوعيين المصريين و إيه التنظيم هدفه قلب نظام الحكم خدو بالكوا قلب نظام الحكم و هو مكون من 4 أفراد أشرف ابراهيم أحدهم !!!!!! عجبي

1 comment:

Hashim said...

هما مراقبين الجروبز بتاعت الياهو !
الحكومة بتاعتنا دى مسخرة